Радыё Свабода Гэтымі днямі выйшлі ў эфір першыя праграмы "Акно ў Эўропу”. Паводле кіраўніка праекту і кіраўніка нямецкага холдынгу "Media Consulta" Гаральда Цулаўфа, разам з Радыё Свабода, "Нямецкай хваляй", "Радыё Палёнія" і "Радыё Швэцыя", новы мэдыйны праект Эўракамісіі “зьявіцца чарговай крыніцай альтэрнатыўнай інфармацыі, патрэбу ў якой адчуваюць многія жыхары Беларусі”.
Паводле кіраўніцтва бэрлінскага холдынгу, праграмы "Акно ў Эўропу" будуць мець пэўныя адрозьненьні ад іншых. Яны разьлічаныя пераважна на моладзь і будуюцца ў адпаведнасьці з інтарэсамі гэтай аўдыторыі. У праграмах будзе гучаць шмат музыкі, яны будуць распавядаць пра штодзённае жыцьцё эўрапейцаў, пра іхныя захапленьні, культуру, спорт. З улікам таго, што паступова ўсё больш і больш моладзі ў Беларусі мае доступ да Інтэрнэту, новыя тэле– і радыёпраграмы можна будзе шукаць ня толькі праз спадарожнік, праз звыклыя кароткія хвалі, але глядзець і слухаць на вэб-старонках: www.belradio.fm і tv.rtvi.ru.
(Цулаўф: ) "Калі гаварыць пра радыёпраграмы, якія будуць рыхтаваць беларускія журналісты з "Эўрапейскага радыё", то іх можна пачуць ня толькі на кароткіх хвалях, але таксама і на сярэдніх, у FM-дыяпазоне. Гэта будзе частата 103,4 FM. Гэтае FM-вяшчаньне, разьлічанае на невялікую адлегласьць, будзе ахопліваць некаторыя раёны ў Берасьцейшчыны. Вяшчаньне будзе ісьці з Польшчы праз адну з тамтэйшых радыёстанцыяў. Мы таксама спадзяемся і на ўвядзеньне другой частаты. У любым выпадку для радыёперадаваньня існуюць вельмі добрыя тэхнічныя магчымасьці".
Што датычыць тэлевізійных праграмаў, то, паводле Гаральда Цулаўфа, іх будуць рыхтаваць маскоўская каманда адзінага незалежнага ў Расеі тэлебачаньня "RTVi" ды журналісты нямецкага тэлеканалу "ZDF". Карэспандэнты нямецкага тэлеканалу будуць рабіць рэпартажы з самых розных краінаў Эўразьвязу.
Тэлесыгнал новых тэлеперадач будзе ісьці з Масквы і празь перадатчык у Кёльне рэтрансьлявацца ў Беларусі. Мова будучых праграмаў, якія рыхтуюцца на "RTVi", расейская.
Сюжэты нямецкага "ZDF" будуць дублявацца субтытрамі па-беларуску. Што да радыёперадачаў, то яны будуць выключна беларускамоўнымі.
Спадар Цулаўф падкрэсьліў, што тыя радыёперадачы “Акно ў Эўропу”, якія можна пачуць цяпер, ёсьць пілётнымі. Сапраўдныя паўнавартасныя праграмы пачнуць перадавацца непасрэдна напярэдадні выбараў, адзначае кіраўнік "Media Consulta".
(Цулаўф: ) "Калі гаварыць пра радыёпраграмы, якія будуць рыхтаваць беларускія журналісты з "Эўрапейскага радыё", то іх можна пачуць ня толькі на кароткіх хвалях, але таксама і на сярэдніх, у FM-дыяпазоне. Гэта будзе частата 103,4 FM. Гэтае FM-вяшчаньне, разьлічанае на невялікую адлегласьць, будзе ахопліваць некаторыя раёны ў Берасьцейшчыны. Вяшчаньне будзе ісьці з Польшчы праз адну з тамтэйшых радыёстанцыяў. Мы таксама спадзяемся і на ўвядзеньне другой частаты. У любым выпадку для радыёперадаваньня існуюць вельмі добрыя тэхнічныя магчымасьці".
Што датычыць тэлевізійных праграмаў, то, паводле Гаральда Цулаўфа, іх будуць рыхтаваць маскоўская каманда адзінага незалежнага ў Расеі тэлебачаньня "RTVi" ды журналісты нямецкага тэлеканалу "ZDF". Карэспандэнты нямецкага тэлеканалу будуць рабіць рэпартажы з самых розных краінаў Эўразьвязу.
Тэлесыгнал новых тэлеперадач будзе ісьці з Масквы і празь перадатчык у Кёльне рэтрансьлявацца ў Беларусі. Мова будучых праграмаў, якія рыхтуюцца на "RTVi", расейская.
Сюжэты нямецкага "ZDF" будуць дублявацца субтытрамі па-беларуску. Што да радыёперадачаў, то яны будуць выключна беларускамоўнымі.
Спадар Цулаўф падкрэсьліў, што тыя радыёперадачы “Акно ў Эўропу”, якія можна пачуць цяпер, ёсьць пілётнымі. Сапраўдныя паўнавартасныя праграмы пачнуць перадавацца непасрэдна напярэдадні выбараў, адзначае кіраўнік "Media Consulta".