Радыё Свабода У міністэрствах абароны і замежных спраў Беларусі не камэнтуюць заяву камандуючага расейскімі ваенна-паветранымі сіламі аб намеры Расеі мець ваенна-паветраную базу ў Беларусі. Між тым незалежныя аглядальнікі не выключаюць, што ў выпадку стварэньня такой базы на тэрыторыю Беларусі можа патрапіць ядзерная зброі.
Мінуў дзень як 15 лютага галоўнакамандуючы ваенна-паветранымі сіламі Расеі генэрал Уладзімір Міхайлаў паведаміў аб плянах Расеі займець на тэрыторыі Беларусі сваю ваенна-паветраную базу. Як паставіліся ў Беларусі да гэтай заявы?
Да вечара 16 лютага ніхто з афіцыйных асобаў у кіраўніцтве краіны не выказаўся наконт гэтых плянаў галоўнага ваеннага лётчыка Расеі. Напрыканцы дня я спрабаваў атрымаць камэнтары да заявы генэрала Міхайлава ў міністэрствах замежных спраў і абароны Беларусі. Прэсавы сакратар МЗС Андрэй Папоў ад камэнтару адмовіўся.
(Папоў: ) “Мы пакуль гэтую сытуацыю не камэнтуем. Можа, Вам лепш зьвярнуцца ў Міністэрства абароны?”
Але калі я зьвярнуўся ў Мінабароны Беларусі, адказ прэсавага сакратара міністэрства Вячаслава Раменьчыка быў такі самы. Нічога не адказаў ён і на пытаньне, ці вяліся раней перамовы аб заснаваньні расейскай ваенна-паветранай базы ў Беларусі.
Між тым незалежны вайсковы аглядальнік Аляксандр Алесін мяркуе, што за заявай расейскага генэрала Ўладзіміра Міхайлава стаяць ініцыятывы больш высокага ўзроўню.
(Алесін: ) “Мяркую, гэта ня сам Міхайлаў прыдумаў, ён толькі агучыў пляны, якія, магчыма, міністар Сяргей Іваноў разглядае. Той – чалавек творчы, схільны да рэзкіх заяваў. Думаю, гэта зь ягонай падачы”.
Таксама Аляксандр Алесін згадаў леташнюю заяву Аляксандра Лукашэнкі пра тое, што ў Беларусі адноўленыя ваенныя аэрадромы, кінутыя пасьля распаду СССР. Адзін з такіх аб’ектаў сапраўды могуць перадаць расейцам для базаваньня самалётаў далёкай авіяцыі, здольных несьці ядзерную зброю, не выключае Аляксандр Алесін. На ягоную думку, гэтак кіраўніцтва Расеі і Беларусі можа адказаць на пашырэньне НАТО і перавод базаў ЗША ў Польшчу, Баўгарыю ды іншыя краіны Ўсходняй Эўропы. Але ці ня будзе гэта парушэньнем міжнародных дамоў аб неразьмяшчэньні ў Беларусі ядзернай зброі?
(Алесін: ) “Беларусь сапраўды ня мае права разьмяшчаць на сваёй тэрыторыі ядзерную зброю. Але ў выпадку ўзьнікненьня нейкага канфлікту на борце расейскіх стратэгічных бамбардзіроўшчыкаў яно можа да нас і прыляцець. І знаходзіцца тут як расейская ўласнасьць. Тым больш на расейскай базе”.
З гэтым меркаваньнем згодны менскі экспэрт Андрэй Фёдараў. Пры гэтым ён адзначае, што зьяўленьне на тэрыторыі Беларусі расейскіх самалётаў зь ядзернай зброяй будзе супярэчыць ранейшым заявам Беларусі пра стварэньне безьядзернай зоны.
Да вечара 16 лютага ніхто з афіцыйных асобаў у кіраўніцтве краіны не выказаўся наконт гэтых плянаў галоўнага ваеннага лётчыка Расеі. Напрыканцы дня я спрабаваў атрымаць камэнтары да заявы генэрала Міхайлава ў міністэрствах замежных спраў і абароны Беларусі. Прэсавы сакратар МЗС Андрэй Папоў ад камэнтару адмовіўся.
(Папоў: ) “Мы пакуль гэтую сытуацыю не камэнтуем. Можа, Вам лепш зьвярнуцца ў Міністэрства абароны?”
Але калі я зьвярнуўся ў Мінабароны Беларусі, адказ прэсавага сакратара міністэрства Вячаслава Раменьчыка быў такі самы. Нічога не адказаў ён і на пытаньне, ці вяліся раней перамовы аб заснаваньні расейскай ваенна-паветранай базы ў Беларусі.
Між тым незалежны вайсковы аглядальнік Аляксандр Алесін мяркуе, што за заявай расейскага генэрала Ўладзіміра Міхайлава стаяць ініцыятывы больш высокага ўзроўню.
(Алесін: ) “Мяркую, гэта ня сам Міхайлаў прыдумаў, ён толькі агучыў пляны, якія, магчыма, міністар Сяргей Іваноў разглядае. Той – чалавек творчы, схільны да рэзкіх заяваў. Думаю, гэта зь ягонай падачы”.
Таксама Аляксандр Алесін згадаў леташнюю заяву Аляксандра Лукашэнкі пра тое, што ў Беларусі адноўленыя ваенныя аэрадромы, кінутыя пасьля распаду СССР. Адзін з такіх аб’ектаў сапраўды могуць перадаць расейцам для базаваньня самалётаў далёкай авіяцыі, здольных несьці ядзерную зброю, не выключае Аляксандр Алесін. На ягоную думку, гэтак кіраўніцтва Расеі і Беларусі можа адказаць на пашырэньне НАТО і перавод базаў ЗША ў Польшчу, Баўгарыю ды іншыя краіны Ўсходняй Эўропы. Але ці ня будзе гэта парушэньнем міжнародных дамоў аб неразьмяшчэньні ў Беларусі ядзернай зброі?
(Алесін: ) “Беларусь сапраўды ня мае права разьмяшчаць на сваёй тэрыторыі ядзерную зброю. Але ў выпадку ўзьнікненьня нейкага канфлікту на борце расейскіх стратэгічных бамбардзіроўшчыкаў яно можа да нас і прыляцець. І знаходзіцца тут як расейская ўласнасьць. Тым больш на расейскай базе”.
З гэтым меркаваньнем згодны менскі экспэрт Андрэй Фёдараў. Пры гэтым ён адзначае, што зьяўленьне на тэрыторыі Беларусі расейскіх самалётаў зь ядзернай зброяй будзе супярэчыць ранейшым заявам Беларусі пра стварэньне безьядзернай зоны.