Радыё Свабода Жонка прэзыдэнта Нямеччыны Эва Луіза Кёлер у часе сустрэчы з актывісткамі арганізацыі Belladonna, якія аказваюць дапамогу ахвярам прымусовай прастытуцыі зь Беларусі і Украіны, заклікала нямецкую грамадзкасьць заняць больш рашучую пазыцыю што да сэксуальнага нявольніцтва.
Як паведамляе агенцыя DPA, спадарыня Кёлер выказала сваю заклапочанасьць, што ў зьвязку з маючым адбыцца сёлета ў Нямеччыне пяршынствам сьвету па футболе нелегальны трафік дзяўчат зь Беларусі, Украіны ды іншых усходнеэўрапейскіх краінаў можа істотна павялічыцца. Гэтыя жанчыны вымушаныя будуць працаваць ў самых жахлівых умовах і, ня выключана, што ў выніку атрымаюць псыхічную траўму на ўсё жыцьцё. Як выказаліся ўдзельнікі сустрэчы, якая адбылася ўчора ўвечары ў Франкфурце-на-Одэры, будучы футбольны чэмпіянат сьвету можа стаць у пэўным сэнсе ганебным для Нямеччыны.
Актывісткі нямецкай арганізацыі Belladonna паведамілі, што пра свой намер “паказаць чырвоную картку міжнароднаму гандлю жанчынамі”. Разам з партнэрамі зь Беларусі і Украіны яны зьбіраюцца выставіць пікеты ва ўсіх 11 гарадох, дзе адбудуцца гульні чэмпіянату ды таксама арганізаваць пункты дапамогі ахвярам сэксуальнага нявольніцтва.
Нагадаем, што, паводле некаторых прагнозаў, вялікую армію футбольных заўзятараў у часе першынства сьвету будуць абслугоўваць каля 40 тысячаў жанчынаў з розных краінаў. У гэтых зьвязку мяркуецца пабудаваць 11 гэтак званых “мэга-бардэляў”. Як лічаць арганізатары першынства, падобныя афіцыйныя ўстановы павінны спрыяць барацьбе зь нелегальнай прастытуцыяй. Тым часам ні царква, ні жаночыя праваабарончыя арганізацыі, ні прафсаюзы Нямеччыны не падзяляюць падобнага аптымізму.
Актывісткі нямецкай арганізацыі Belladonna паведамілі, што пра свой намер “паказаць чырвоную картку міжнароднаму гандлю жанчынамі”. Разам з партнэрамі зь Беларусі і Украіны яны зьбіраюцца выставіць пікеты ва ўсіх 11 гарадох, дзе адбудуцца гульні чэмпіянату ды таксама арганізаваць пункты дапамогі ахвярам сэксуальнага нявольніцтва.
Нагадаем, што, паводле некаторых прагнозаў, вялікую армію футбольных заўзятараў у часе першынства сьвету будуць абслугоўваць каля 40 тысячаў жанчынаў з розных краінаў. У гэтых зьвязку мяркуецца пабудаваць 11 гэтак званых “мэга-бардэляў”. Як лічаць арганізатары першынства, падобныя афіцыйныя ўстановы павінны спрыяць барацьбе зь нелегальнай прастытуцыяй. Тым часам ні царква, ні жаночыя праваабарончыя арганізацыі, ні прафсаюзы Нямеччыны не падзяляюць падобнага аптымізму.