Радыё Свабода Сёньня ў Полацку адкрыўся першы ў горадзе прыватны музэй. Ён завецца “Эпоха Леніна” і ўяўляе сабой збор скульптурных выяваў Леніна — розных памераў і з самых размаітых матэрыялаў.
Калекцыю гэтую восем гадоў зьбіраў мясцовы калекцыянэр Мікола Панкрат.
Музей месьціцца ў прыватным доме, які калекцыянэр адпаведным чынам пераабсталяваў.
Апрача выяваў правадыра ўсясьветнага пралетарыяту, якіх тут больш за чатырыста, у экспазыцыі знайшлі сваё месца й бюсты прадстаўнікоў так званай ленінскай гвардыі — Сталіна, Дзяржынскага, Кірава, Варашылава.
Калекцыю спадар Панкрат камплектаваў выключна за ўласныя грошы, і цяпер кожны палачанін мае магчымасьць наведаць музэй і на ўласныя вочы падзівіцца неверагоднай колькасьці ленінскіх галоваў.
Паводле калекцыянэра, экспазыцыя дэманструе толькі частку калекцыі, і з часам музэйныя плошчы будуць пашыраныя.
Рэпартаж аб адкрыцьці музэю “Эпоха Леніна” слухайце ў ранішнім эфіры 7 лістапада.
Музей месьціцца ў прыватным доме, які калекцыянэр адпаведным чынам пераабсталяваў.
Апрача выяваў правадыра ўсясьветнага пралетарыяту, якіх тут больш за чатырыста, у экспазыцыі знайшлі сваё месца й бюсты прадстаўнікоў так званай ленінскай гвардыі — Сталіна, Дзяржынскага, Кірава, Варашылава.
Калекцыю спадар Панкрат камплектаваў выключна за ўласныя грошы, і цяпер кожны палачанін мае магчымасьць наведаць музэй і на ўласныя вочы падзівіцца неверагоднай колькасьці ленінскіх галоваў.
Паводле калекцыянэра, экспазыцыя дэманструе толькі частку калекцыі, і з часам музэйныя плошчы будуць пашыраныя.
Рэпартаж аб адкрыцьці музэю “Эпоха Леніна” слухайце ў ранішнім эфіры 7 лістапада.