Алесь Дашчынскі, Менск У Маскоўскім акруговым вайсковым судзе пачаўся суд над маёрам расейскай арміі Сяргеем Юрэням. Яго вінавацяць у здрадзе дзяржаве ў форме шпіянажу. Паседжаньне праходзіць за зачыненымі дзьвярыма. Сяргей Юрэня праходзіў сьведкам па справе “польскіх шпіёнаў” зь Беларусі.
Паводле сьледзтва, расейскі вайсковец разам з чатырма афіцэрамі беларускага войска перадаваў польскай выведцы дадзеныя пра стратэгічныя аб’екты аб’яднанай сыстэмы проціпаветранай абароны Беларусі і Расеі.
Чацьвёра “польскіх шпіёнаў” зь Беларусі ўжо асуджаныя Вайсковай калегіяй Вярхоўнага суду Беларусі. Афіцэраў Уладзімера Рускіна, Віктара Богдана, Паўла Пяткевіча і Сяргея Карнілюка суд пакараў пазбаўленьнем волі. Пяткевічу і Карнілюку далі 7 гадоў кожнаму, Богдану – 9, а Рускіну – 10 гадоў папраўчай калёніі ўзмоцненага рэжыму.
Рускіна і Богдана затрымалі 5 студзеня, а Пяткевіча і Карнілюка — 31 студзеня. Нагадаем, што КДБ паведаміла пра затрыманьне “польскіх шпіёнаў” толькі ў ліпені, незадоўга да адстаўкі старшыні КДБ Сьцяпана Сухарэнкі.
Шпіёнаў затрымалі пасьля таго, як маёр расейскай арміі Сяргей Юрэня нібыта прыйшоў з пакаяньнем у расейскую Фэдэральную службу бясьпекі і апавёў пра сваё супрацоўніцтва з польскай выведкай.
Паводле газэты “Коммерсантъ”, С.Юрэня прызнаўся, што актыўна супрацоўнічаў зь беларускімі афіцэрамі цягам 2005-2006 гадоў, але быў расчараваны памерам матэрыяльнага заахвочваньня за шпіянаж. З-за гэтага ён і вырашыў здацца.
Сяргей Юрэня поўнасьцю прызнаў сваю віну і пакаяўся.
Асуджаныя “польскія шпіёны” зь Беларусі праходзяць сьведкамі па справе С.Юрэні.
“Польскіх шпіёнаў” пакаралі. Адвакаты адмовіліся ад камэнтароў, 14.09.2007 “Польскіх шпіёнаў” судзяць за зачыненымі дзьвярыма, 04.09.2007
Чацьвёра “польскіх шпіёнаў” зь Беларусі ўжо асуджаныя Вайсковай калегіяй Вярхоўнага суду Беларусі. Афіцэраў Уладзімера Рускіна, Віктара Богдана, Паўла Пяткевіча і Сяргея Карнілюка суд пакараў пазбаўленьнем волі. Пяткевічу і Карнілюку далі 7 гадоў кожнаму, Богдану – 9, а Рускіну – 10 гадоў папраўчай калёніі ўзмоцненага рэжыму.
Рускіна і Богдана затрымалі 5 студзеня, а Пяткевіча і Карнілюка — 31 студзеня. Нагадаем, што КДБ паведаміла пра затрыманьне “польскіх шпіёнаў” толькі ў ліпені, незадоўга да адстаўкі старшыні КДБ Сьцяпана Сухарэнкі.
Шпіёнаў затрымалі пасьля таго, як маёр расейскай арміі Сяргей Юрэня нібыта прыйшоў з пакаяньнем у расейскую Фэдэральную службу бясьпекі і апавёў пра сваё супрацоўніцтва з польскай выведкай.
Паводле газэты “Коммерсантъ”, С.Юрэня прызнаўся, што актыўна супрацоўнічаў зь беларускімі афіцэрамі цягам 2005-2006 гадоў, але быў расчараваны памерам матэрыяльнага заахвочваньня за шпіянаж. З-за гэтага ён і вырашыў здацца.
Сяргей Юрэня поўнасьцю прызнаў сваю віну і пакаяўся.
Асуджаныя “польскія шпіёны” зь Беларусі праходзяць сьведкамі па справе С.Юрэні.
“Польскіх шпіёнаў” пакаралі. Адвакаты адмовіліся ад камэнтароў, 14.09.2007 “Польскіх шпіёнаў” судзяць за зачыненымі дзьвярыма, 04.09.2007