Аляксей Дзікавіцкі, Варшава У Варшаве чакаюць выкананьня Газпромам абавязаньняў па дастаўках газу, незалежна ад праблемаў зь Беларусьсю – гэта афіцыйная пазыцыя. Аналітыкі, ў сваю чаргу бачаць розныя наступствы скарачэньня паставак газу Беларусі.
Міністар эканомікі Польшчы Петр Возьняк (на фота) заявіў, што “Варшаву не цікавяць праблемы расейскіх дастаўцаў зь беларускімі фірмамі” і паколькі “Польчша рэгулярна плаціць за газ, дык хоча і рэгулярна гэтае паліва атрымліваць”.
Міністар нагадаў, што Варшава інтэнсыўна працуе над стварэньнем сыстэмы альтэрнатыўных крыніцаў даставак газу і апошнія падзеі яшчэ раз перакноваюць у правільнасьці такога падыходу.
Хаця газ пакуль дастаўляецца ў Польшчу ў поўным аб’ёме, а запасаў у выпадку поўнага спыненьня даставак гэтага паліва хопіць прынамсі на 4-5 месяцаў, аналітык Анджэй Шчэньсьняк, зьвяртае ўвагу на іншую праблему. Шчэньсняк: “Эўропа, пакупнікі газу ў Эўропе, будуць усё больш разумець, што ў ланцугу паставак газу з Расеі на Захад найбольш няпэўнае зьвяно - гэта Беларусь. У выніку гэта будзе моцны аргумэнт на карысьць будаўніцтва газаправоду па дне Балтыйскага мора, гэтак званага Паўночнага газаправоду”.
Польшча выступае катэгарычна супраць будаўніцтва газаправоду па дне Балтыйскага мора, у абыход Беларусі і Польшчы, заяўляючы нават, што гэта прыгадвае “пакт Молатава-Рыбэнтропа”.
Што да разьвіцьця падзеяў, дык аналітыкі лічаць, што пакуль “малапраўдападобна”, што Беларусь пачне незаконна браць расйескі газ, які ідзе транзытам на захад, “бо ўлетку спажываецца значна менш гэтага паліва”.
Міністар нагадаў, што Варшава інтэнсыўна працуе над стварэньнем сыстэмы альтэрнатыўных крыніцаў даставак газу і апошнія падзеі яшчэ раз перакноваюць у правільнасьці такога падыходу.
Хаця газ пакуль дастаўляецца ў Польшчу ў поўным аб’ёме, а запасаў у выпадку поўнага спыненьня даставак гэтага паліва хопіць прынамсі на 4-5 месяцаў, аналітык Анджэй Шчэньсьняк, зьвяртае ўвагу на іншую праблему. Шчэньсняк: “Эўропа, пакупнікі газу ў Эўропе, будуць усё больш разумець, што ў ланцугу паставак газу з Расеі на Захад найбольш няпэўнае зьвяно - гэта Беларусь. У выніку гэта будзе моцны аргумэнт на карысьць будаўніцтва газаправоду па дне Балтыйскага мора, гэтак званага Паўночнага газаправоду”.
Польшча выступае катэгарычна супраць будаўніцтва газаправоду па дне Балтыйскага мора, у абыход Беларусі і Польшчы, заяўляючы нават, што гэта прыгадвае “пакт Молатава-Рыбэнтропа”.
Што да разьвіцьця падзеяў, дык аналітыкі лічаць, што пакуль “малапраўдападобна”, што Беларусь пачне незаконна браць расйескі газ, які ідзе транзытам на захад, “бо ўлетку спажываецца значна менш гэтага паліва”.