Сяргей Астраўцоў, Горадня Будаўнікі разбурылі дах на доме N12 па вул.Урыцкага, за які змагаліся маладыя актывісты кампаніі “Уратуем Горадню ад разбурэньня”.
Пашпарт аб’екту сьведчыць, што сьцены маюць захаваць, а разам з рэканструкцыяй стары дом дабудуюць. Выява сьведчыць, што будучы будынак будзе мець выгляд, уласьцівы менавіта гістарычнай забудове цэнтру Горадні. Праект рабіла архітэктурна-рэстаўрацыйнае бюро Станіслава Шайко, якое знаўцы лічаць найлепшым у горадзе.
Паводле гарадзенскага краязнаўцы Ігара Лапехі, дом на вул.Урыцкага, 12 быў пабудаваны ў канцы ХІХ стагодзьдзя. Ён фармуе дворык у тагачасным стылі. Краязнаўца гаворыць, што будаўнікі павінны пакінуць дзьве фасадныя сьценкі. Гэта станоўчы момант, паколькі на другім баку вул.Урыцкага іншую камяніцу разбурылі нядаўна цалкам.
Сёньня працягваецца рэканструкцыя галоўнай у гістарычнай забудове —пешаходнай вуліцы Савецкай.
Паводле гарадзенскага краязнаўцы Ігара Лапехі, дом на вул.Урыцкага, 12 быў пабудаваны ў канцы ХІХ стагодзьдзя. Ён фармуе дворык у тагачасным стылі. Краязнаўца гаворыць, што будаўнікі павінны пакінуць дзьве фасадныя сьценкі. Гэта станоўчы момант, паколькі на другім баку вул.Урыцкага іншую камяніцу разбурылі нядаўна цалкам.
Сёньня працягваецца рэканструкцыя галоўнай у гістарычнай забудове —пешаходнай вуліцы Савецкай.