Міхал Стэльмак, Жодзіна Сёньня былы кандыдат у прэзыдэнты ад аб’яднанай апазыцыі Аляксандар Мілінкевіч пабываў на Меншчыне — у Жодзіне й Барысаве. Нагадаем, паездка палітыка па рэгіёнах Беларусі пачалася 25 чэрвеня з сустрэчаў на Берасьцейшчыне.
Большую частку дня Аляксандар Мілінкевіч правёў у Жодзіне. Паводле палітыка, гэты горад ён абраў не выпадкова:
“Буйны цэнтар. Шмат адукаваных людзей. Пратэстны горад. Інфармаваны горад. У такім горадзе лягчэй знайсьці падтрымку. Цяпер мы пашыраем сетку руху “За свабоду”, і, безумоўна, у Жодзіне ў нас ёсьць людзі, але мы хочам, каб было яшчэ больш”.
Студэнт Эўрапейскага гуманітарнага ўнівэрсытэту Сяржук Гудзілін — адзін з жодзінскіх прыхільнікаў Мілінкевіча:
“Абавязковая ўмова таго, каб чалавек стаў лідэрам, гэта калі ён наведвае людзей, калі ён размаўляе зь людзьмі, калі ён ведае сытуацыю ў рэгіёнах. З гэтага гледзішча ў яго фармуецца погляд на ўсю краіну”.
Экс-кандыдат у прэзыдэнты пабываў ля прахадной БелАЗу, у рабочай сталоўцы, на мясцовых рынках, прайшоўся вуліцамі Жодзіна.
Паколькі масавыя сустрэчы з жыхарамі не замаўляліся ў гарвыканкаме, палітык абмежаваўся непрацяглымі гутаркамі з асобнымі жодзінцамі.
Шмат хто зь іх памятае яго прозьвішча як кандыдата ў прэзыдэнты. Некаторыя спадзяюцца, што прыезд Мілінкевіча дапаможа вырашыць мясцовыя праблемы. Напрыклад, пэнсіянэр Мікалай Шыранкоў:
“Бегавой дарожкі на стадыёне няма. Ужо гадоў пяць мінула, як гэтую дарожку скавыралі, і немагчыма бегаць. Каб народ там мог трэніравацца, прыйсьці туды і займацца спортам”.
“Што вы ведаеце пра Мілінкевіча?”
“Я пра яго чытаў, ён там выкладчык інстытуту. Нават калі ён меціць у прэзыдэнты, то я, канечне, параіў бы, каб такія людзі праходзілі ў наш урад. Патрэбныя новыя кадры, каб новыя людзі камандавалі народам, новая кроў патрэбная”.
З другога боку, многія жодзінцы, якія чулі пра апазыцыйнага палітыка, пазьбягалі адкрытых гутарак зь Мілінкевічам.
Мясцовы актывіст руху Юрась Жылко сказаў:
“Страх заўсёды прысутнічае ў жыцьці. І раней быў. Але цяпер ён агульнадзяржаўны”.
Сам Аляксандар Мілінкевіч разумее, чаму людзі асьцерагаюцца сустракацца зь ім:
“Тут іх ня трэба папракаць гэтым. Наскокам, вось прыехаў былы кандыдат у прэзыдэнты, і каб тут адразу вось ажывілася, такога не бывае. Гэта патрэбна вялікая-вялікая праца на доўгі час.
Месяцы-месяцы працы тысяч і тысяч людзей. Цудаў не бывае. Але аднымі заклікамі людзей не проймеш. Трэба страх зьмяншаць, трэба даваць на пэрспэктыву. Людзі пераменаў хочуць і баяцца”.
А.Мілінкевіч спадзяецца знайсьці ў Жодзіне новых прыхільнікаў
А.Мілінкевіч ля прахадной БелАЗу абмяркоўвае праблемы прадпрыемства
А.Мілінкевіч: “Людзі хочуць працаваць, а прапановаў ім няма”, 19.04.2007
“Буйны цэнтар. Шмат адукаваных людзей. Пратэстны горад. Інфармаваны горад. У такім горадзе лягчэй знайсьці падтрымку. Цяпер мы пашыраем сетку руху “За свабоду”, і, безумоўна, у Жодзіне ў нас ёсьць людзі, але мы хочам, каб было яшчэ больш”.
Студэнт Эўрапейскага гуманітарнага ўнівэрсытэту Сяржук Гудзілін — адзін з жодзінскіх прыхільнікаў Мілінкевіча:
“Абавязковая ўмова таго, каб чалавек стаў лідэрам, гэта калі ён наведвае людзей, калі ён размаўляе зь людзьмі, калі ён ведае сытуацыю ў рэгіёнах. З гэтага гледзішча ў яго фармуецца погляд на ўсю краіну”.
Экс-кандыдат у прэзыдэнты пабываў ля прахадной БелАЗу, у рабочай сталоўцы, на мясцовых рынках, прайшоўся вуліцамі Жодзіна.
Паколькі масавыя сустрэчы з жыхарамі не замаўляліся ў гарвыканкаме, палітык абмежаваўся непрацяглымі гутаркамі з асобнымі жодзінцамі.
Шмат хто зь іх памятае яго прозьвішча як кандыдата ў прэзыдэнты. Некаторыя спадзяюцца, што прыезд Мілінкевіча дапаможа вырашыць мясцовыя праблемы. Напрыклад, пэнсіянэр Мікалай Шыранкоў:
“Бегавой дарожкі на стадыёне няма. Ужо гадоў пяць мінула, як гэтую дарожку скавыралі, і немагчыма бегаць. Каб народ там мог трэніравацца, прыйсьці туды і займацца спортам”.
“Што вы ведаеце пра Мілінкевіча?”
“Я пра яго чытаў, ён там выкладчык інстытуту. Нават калі ён меціць у прэзыдэнты, то я, канечне, параіў бы, каб такія людзі праходзілі ў наш урад. Патрэбныя новыя кадры, каб новыя людзі камандавалі народам, новая кроў патрэбная”.
З другога боку, многія жодзінцы, якія чулі пра апазыцыйнага палітыка, пазьбягалі адкрытых гутарак зь Мілінкевічам.
Мясцовы актывіст руху Юрась Жылко сказаў:
“Страх заўсёды прысутнічае ў жыцьці. І раней быў. Але цяпер ён агульнадзяржаўны”.
Сам Аляксандар Мілінкевіч разумее, чаму людзі асьцерагаюцца сустракацца зь ім:
“Тут іх ня трэба папракаць гэтым. Наскокам, вось прыехаў былы кандыдат у прэзыдэнты, і каб тут адразу вось ажывілася, такога не бывае. Гэта патрэбна вялікая-вялікая праца на доўгі час.
Месяцы-месяцы працы тысяч і тысяч людзей. Цудаў не бывае. Але аднымі заклікамі людзей не проймеш. Трэба страх зьмяншаць, трэба даваць на пэрспэктыву. Людзі пераменаў хочуць і баяцца”.
А.Мілінкевіч спадзяецца знайсьці ў Жодзіне новых прыхільнікаў
А.Мілінкевіч ля прахадной БелАЗу абмяркоўвае праблемы прадпрыемства
А.Мілінкевіч: “Людзі хочуць працаваць, а прапановаў ім няма”, 19.04.2007