Алег Грузьдзіловіч, Менск Палітыка Андрэя Клімава выпісалі з турэмнага шпіталю з дыягназам “стэнакардыя” і зноў зьмясьцілі ў сьледчы ізалятар. Паводле турэмных дактароў, Андрэй Клімаў пачуваецца лепш, але павінен лячыцца далей.
Маці палітыка Ала Клімава атрымала ад сына чарговы ліст. Клімаў піша, што яго перавялі са шпіталю зноў у сьледчы ізалятар. Ала Пятроўна зачытала дасланы сынам ліст:
“Дарагая матулечка. Закончыўся мой “адпачынак” у рэспубліканскай бальніцы. Я зноў у турме. Працягваю курс лячэньня ў бальнічным стацыянары. Умовы здавальняючыя, без заўзятых курцоў. Беражы сябе. Цалую. Андрэй. 10.06.07”.
Доктарка з рэспубліканскай турэмнай бальніцы, якая выходзіць да наведнікаў расказаць пра здароўе хворых зьняволеных, паведаміла: Андрэй Клімаў быў выпісаны яшчэ ў мінулы чацьвер, 7 чэрвеня. У шпіталі Клімаву паставілі дыягназ — стэнакардыя.
“Я ўсё патлумачыла самому Клімаву, ягонай жонцы, а жонка ўсё напісала для маці, якая дрэнна чуе. Збольшага ўсё тое самае, што і дзевяць гадоў таму. Стэнакардыя. Гэта такая хранічная хвароба сэрца”, — расказала доктарка.
Сваякі Клімава заўважылі, што апошні раз сустракаліся з гэтай самай лекаркай у мінулую сераду, 6 чэрвеня. Атрымалася, ужо празь дзень Андрэя Клімава выпісалі, але доктарка пра гэта не папярэдзіла.
Сёньня турэмны мэдык патлумачыла сваякам: казаць, што вязьня заўтра выпішуць, яна ня мела права. Такі парадак. Лекі, якія мінулы раз яна прыняла ад сваякоў для Клімава, да яго дайшлі, запэўніла лекарка.
Нагадаю, Андрэй Клімаў трапіў у турэмны шпіталь у другой палове траўня. Ён скардзіўся на сардэчныя прыступы і недахоп паветра. У камэры, дзе палітык на той момант правёў болей за паўтара месяца, усе зьняволеныя палілі.
Неўзабаве Аб’яднаная грамадзянская партыя, сябрам якой ёсьць Андрэй Клімаў, выступіла з патрабаваньнем тэрмінова вызваліць Клімава, каб уратаваць ягонае жыцьцё.
Якое лячэньне атрымлівае Андрэй Клімаў цяпер, калі яго вярнулі ў сьледчы ізалятар, невядома.
“Гэта спроба палітычнага забойства няўгоднага палітыка Андрэя Клімава”, 6.06.2007 Пра стан здароўя шпіталізаванага Андрэя Клімава нічога невядома, 25.05.2007 Тэрмін арышту Андрэя Клімава працягнулі яшчэ на тры месяцы, 31.05.2007
“Дарагая матулечка. Закончыўся мой “адпачынак” у рэспубліканскай бальніцы. Я зноў у турме. Працягваю курс лячэньня ў бальнічным стацыянары. Умовы здавальняючыя, без заўзятых курцоў. Беражы сябе. Цалую. Андрэй. 10.06.07”.
Доктарка з рэспубліканскай турэмнай бальніцы, якая выходзіць да наведнікаў расказаць пра здароўе хворых зьняволеных, паведаміла: Андрэй Клімаў быў выпісаны яшчэ ў мінулы чацьвер, 7 чэрвеня. У шпіталі Клімаву паставілі дыягназ — стэнакардыя.
“Я ўсё патлумачыла самому Клімаву, ягонай жонцы, а жонка ўсё напісала для маці, якая дрэнна чуе. Збольшага ўсё тое самае, што і дзевяць гадоў таму. Стэнакардыя. Гэта такая хранічная хвароба сэрца”, — расказала доктарка.
Сваякі Клімава заўважылі, што апошні раз сустракаліся з гэтай самай лекаркай у мінулую сераду, 6 чэрвеня. Атрымалася, ужо празь дзень Андрэя Клімава выпісалі, але доктарка пра гэта не папярэдзіла.
Сёньня турэмны мэдык патлумачыла сваякам: казаць, што вязьня заўтра выпішуць, яна ня мела права. Такі парадак. Лекі, якія мінулы раз яна прыняла ад сваякоў для Клімава, да яго дайшлі, запэўніла лекарка.
Нагадаю, Андрэй Клімаў трапіў у турэмны шпіталь у другой палове траўня. Ён скардзіўся на сардэчныя прыступы і недахоп паветра. У камэры, дзе палітык на той момант правёў болей за паўтара месяца, усе зьняволеныя палілі.
Неўзабаве Аб’яднаная грамадзянская партыя, сябрам якой ёсьць Андрэй Клімаў, выступіла з патрабаваньнем тэрмінова вызваліць Клімава, каб уратаваць ягонае жыцьцё.
Якое лячэньне атрымлівае Андрэй Клімаў цяпер, калі яго вярнулі ў сьледчы ізалятар, невядома.
Былога дэпутата Андрэя Клімава арыштавалі 3 траўня паводле абвінавачаньня ў распаўсюдзе праз інтэрнэт заклікаў скінуць дзейную ўладу. Вінаватым сябе Клімаў не прызнае і адмаўляецца ўдзельнічаць у сьледчых дзеяньнях. Палітыку пагражае да 3 гадоў зьняволеньня. Раней Клімаў двойчы адбываў пакараньне — зьняволеньнем і абмежаваньнем волі.
“Гэта спроба палітычнага забойства няўгоднага палітыка Андрэя Клімава”, 6.06.2007 Пра стан здароўя шпіталізаванага Андрэя Клімава нічога невядома, 25.05.2007 Тэрмін арышту Андрэя Клімава працягнулі яшчэ на тры месяцы, 31.05.2007