Сяргей Астраўцоў, Горадня Студэнта Варшаўскага унівэрсытэту Яўгена Скрабутана затрымалі на гарадзенскім чыгуначным вакзале, а 10-й гадзіне цягнік у Польшчу адправіўся безь яго.
Яўген Скрабутан удзельнічаў у Кангрэсе дэмакратычных сілаў, а ў аўторак раніцай вяртаўся ў Варшаву, дзе вучыцца. Мытнікі агледзелі ягоныя рэчы і забралі матэрыялы кангрэсу. Яны сказалі, што хутчэй за ўсё паперы забяруць для праверкі.