Уладзімер Глод, Менск Так вырашылі дэлегаты рэгіянальных канфэрэнцыяў аб’яднаных дэмакратычных сілаў Беларусі. І нават сытуацыя ў Магілёўскай вобласьці, дзе на паседжаньні не было кворуму, ня можа паўплываць на канчатковае рашэньне.
“Нават калі ў Магілёве адбудзецца кансалідаванае галасаваньне, яно ўжо ня можа зьмяніць агульную карціну, -- сказаў у інтэрвію Радыё Свабода лідэр Партыі камуністаў беларускай Сяргей Калякін. – Мы разглядаем такую магчымасьць – захаваць вынікі галасаваньня ў Магілёве тых дэлегатаў, хто там галасаваў, ды правесьці дадатковае галасаваньне для тых, хто гэтага не зрабіў у суботу”.
Такім чынам, удзельнікі рэгіянальных канфэрэнцыяў выказаліся за інстытут сустаршынёўства. Гэтыя функцыі будуць ускладзеныя асабіста на Вінцука Вячорку, Сяргея Калякіна, Анатоля Лябедзьку, Анатоля Ляўковіча і Аляксандра Мілінкевіча.
Мяркуецца, што ўжо на першым паседжаньні новага складу Палітычнай рады за кожным зь іх будуць замацаваныя канкрэтныя кірункі працы.
Такім чынам, удзельнікі рэгіянальных канфэрэнцыяў выказаліся за інстытут сустаршынёўства. Гэтыя функцыі будуць ускладзеныя асабіста на Вінцука Вячорку, Сяргея Калякіна, Анатоля Лябедзьку, Анатоля Ляўковіча і Аляксандра Мілінкевіча.
Мяркуецца, што ўжо на першым паседжаньні новага складу Палітычнай рады за кожным зь іх будуць замацаваныя канкрэтныя кірункі працы.