Радыё Свабода Аляксандар Лукашэнка запатрабаваў найбліжэйшым часам вырашыць пытаньне, зьвязанае з упарадкаваньнем сацыяльных ільготаў. Пра гэта паведаміла прэсавая служба кіраўніка Беларусі па выніках яго сустрэчы з Натальляй Пяткевіч – намесьніцай кіраўніка прэзыдэнцкай Адміністрацыі, якая курыруе прыняцьце закону аб ільготах.
Паводле прэсавай службы, Пяткевіч далажыла кіраўніку дзяржавы аб ходзе разгляду законапраекту, які “выклікаў у грамадзтве вялікі рэзананс, і не заўсёды гэта станоўчы рэзананс”.
“Але сыстэма льготаў, створаная яшчэ за савецкім часам, ня можа не мяняцца, асабліва ў цяперашніх эканамічных умовах. Ня можа лічыцца нармальнай сытуацыя, калі больш за палову насельніцтва краіны – ільготнікі”, – заяўляе прэсавая служба Лукашэнкі.
Яна таксама паведамляе, што кіраўнік дзяржавы разам з прыняцьцем закону аб упарадкаваньні льготаў даручыў распрацаваць праект указу аб адраснай сацыяльнай дапамозе, дзе павіны быць прапісаны “дакладны мэханізм аказаньня дапамогі тым, каму яна сапраўды патрэбная”.
“Але сыстэма льготаў, створаная яшчэ за савецкім часам, ня можа не мяняцца, асабліва ў цяперашніх эканамічных умовах. Ня можа лічыцца нармальнай сытуацыя, калі больш за палову насельніцтва краіны – ільготнікі”, – заяўляе прэсавая служба Лукашэнкі.
Яна таксама паведамляе, што кіраўнік дзяржавы разам з прыняцьцем закону аб упарадкаваньні льготаў даручыў распрацаваць праект указу аб адраснай сацыяльнай дапамозе, дзе павіны быць прапісаны “дакладны мэханізм аказаньня дапамогі тым, каму яна сапраўды патрэбная”.