Радыё Свабода Сёньня ў Гомелі а 13-й гадзіне ля гарадзкой школы №2 адбыўся мітынг-пратэст супраць пераносу помніка савецкаму салдату ў Таліне. На мітынг вывелі больш як сто школьнікаў зь дзьвюх школаў.
Паведамляецца, што мітынг арганізаваны пры падтрымцы Навабеліцкай раённай арганізацыі Беларускага рэспубліканскага саюзу моладзі, аддзелаў адукацыі й моладзі адміністрацыі раёну.
За мітынгам назірала намесьніца кіраўніка адміністрацыі Навабеліцкага раёну Гомелю Ірына Даўгала.
Такіх мітынгаў-пратэсту супраць пераносу помніка з цэнтру сталіцы Эстоніі на вайсковыя могілкі плянуецца правесьці ў горадзе ня менш за дзясятак — прычым зусім ня там, дзе гарвыканкам дазваляе масавыя акцыі.
Паказальна, што мітынгі й пікеты, якія замаўляюць дэмакратычныя актывісты да чарнобыльскіх угодкаў, гарадзкія ўлады рэгулярна забараняюць. Сёлета, у прыватнасьці, гарвыканкам не дазволіў пікету супраць будаўніцтва ў Беларусі атамнай электрастанцыі.
Эстонскае консульства ў Менску не працуе
За мітынгам назірала намесьніца кіраўніка адміністрацыі Навабеліцкага раёну Гомелю Ірына Даўгала.
Такіх мітынгаў-пратэсту супраць пераносу помніка з цэнтру сталіцы Эстоніі на вайсковыя могілкі плянуецца правесьці ў горадзе ня менш за дзясятак — прычым зусім ня там, дзе гарвыканкам дазваляе масавыя акцыі.
Паказальна, што мітынгі й пікеты, якія замаўляюць дэмакратычныя актывісты да чарнобыльскіх угодкаў, гарадзкія ўлады рэгулярна забараняюць. Сёлета, у прыватнасьці, гарвыканкам не дазволіў пікету супраць будаўніцтва ў Беларусі атамнай электрастанцыі.
Эстонскае консульства ў Менску не працуе