Радыё Свабода 27 красавіка падчас перасячэньня польска-беларускай мяжы былі часова затрыманыя студэнты, што вучацца ў Польшчы па праграме Каліноўскага.
У 18 гадзін 30 хвілін падчас мытнага дагляду ў Вольгі Шэпель, Алены Камаровай, Віктара Кісьлюка, Паўла Крэсіка, Алеся Ванчука, Андрэя Аксаміта й Аляксея Трубкіна мытнікі адабралі пашпарты.
Надарылася гэта ў цягніку Кузьніца – Горадня. Пасьля таго, як цягнік прыйшоў на станцыю Горадня, студэнтаў запрасілі прайсьці ў памяшканьне мытні. Пры гэтым Аляксей Трубкін, карыстаючыся тым, што мытнікі, пакінуўшы на стале пашпарты, выйшлі на хвілю з кабінэту, узяў свой пашпарт і ўцёк з мытні.
З астатнімі была праведзеная “прафіляктычная гутарка”, падчас якой людзі ў цывільным, якія не прадставіліся й не назвалі сваіх прозьвішчаў, пыталіся ў маладых людзей: ці ведаюць яны – хто ажыцьцяўляе наркатрафік праз польска-беларускую мяжу і хто правозіць выбуховыя рэчы.
А 21 гадзіне студэнтам вярнулі пашпарты і адпусьцілі на волю.
Надарылася гэта ў цягніку Кузьніца – Горадня. Пасьля таго, як цягнік прыйшоў на станцыю Горадня, студэнтаў запрасілі прайсьці ў памяшканьне мытні. Пры гэтым Аляксей Трубкін, карыстаючыся тым, што мытнікі, пакінуўшы на стале пашпарты, выйшлі на хвілю з кабінэту, узяў свой пашпарт і ўцёк з мытні.
З астатнімі была праведзеная “прафіляктычная гутарка”, падчас якой людзі ў цывільным, якія не прадставіліся й не назвалі сваіх прозьвішчаў, пыталіся ў маладых людзей: ці ведаюць яны – хто ажыцьцяўляе наркатрафік праз польска-беларускую мяжу і хто правозіць выбуховыя рэчы.
А 21 гадзіне студэнтам вярнулі пашпарты і адпусьцілі на волю.