Радыё Свабода Прэм’ер-міністар Украіны Віктар Януковіч лічыць, што ў Беларусі ідзе натуральны працэс дэмакратызацыі й спадзяецца на тое, што ён будзе паскораны. Пра гэта ён заявіў, адказваючы на пытаньні чальцоў камітэту замежных справаў Эўрапейскага парлямэнту ў аўторак у Брусэлі.
Кіраўнік украінскага ўраду таксама адзначыў, што гэты працэс зьвязаны з жыхарамі памежных з эўрапейскімі краінамі рэгіёнаў Беларусі, якія ведаюць, “якое жыцьцё ў гэтых краінах”, перадае ўкраінскі Інтэрфакс.
Віктар Януковіч лічыць, што працэс дэмакратызацыі шмат у чым залежыць ад самой Беларусі, беларускага народу. “Калі зьменіцца сістэма ўлады? Мы лічым, што ў найбліжэйшы час, а калі гэта будзе – цяжка сказаць, я не прадказальнік”, – заявіў Януковіч.
Віктар Януковіч лічыць, што працэс дэмакратызацыі шмат у чым залежыць ад самой Беларусі, беларускага народу. “Калі зьменіцца сістэма ўлады? Мы лічым, што ў найбліжэйшы час, а калі гэта будзе – цяжка сказаць, я не прадказальнік”, – заявіў Януковіч.