Радыё Свабода Прадстаўнікі Аб’яднанай грамадзянскай партыі, Партыі БНФ, КХП БНФ і яшчэ колькі беспартыйных віцяблянаў сабраліся на ходніках каля плошчы Свабоды. Праз колькі хвілін супрацоўнікі міліцыі загадалі ім разысьціся і не замінаць руху мінакоў.
Прысутныя паслухаліся патрабаваньняў міліцыянтаў і скіраваліся вуліцай Леніна да помніка Ўладзімеру Караткевічу, каб ускласьці кветкі. Аднак прайсьці ім давялося ўсяго якую сотню мэтраў — пры дарогзе іх ужо чакалі міліцэйскія машыны.
Намесьнік начальніка Кастрычніцкага райаддзелу Віцебску Аляксандар Каліноўскі загадаў грамадзянам ехаць у пастарунак, бо яны, паводле ягонага меркаваньня, арганізавалі несанкцыянаванае шэсьце з забароненай сымболікай.
“Забароненым сымбалем” міліцыянты палічылі бел-чырвона-белы шалік актывісткі АГП Алены Залескай.
Як паведаміў адзін з затрыманых, сябра КХП БНФ Ян Таўпыга, цяпер у Кастрычніцкім райаддзеле ўнутраных справаў знаходзіцца восем чалавек, сярод іх трое непаўналетніх.
Групу незалежных журналістаў, якія сачылі за дзеяньнямі міліцыянтаў і фатаграфавалі затрыманьне актывістаў, атачылі невядомыя людзі ў цывільным і суправаджаюць па горадзе.
Пяцёра чалавек пільнуюць рэдактара недзяржаўнай газэты “Витебский курьер” Уладзімера Базана, яшчэ трое сочаць за супрацоўнікамі іншых незалежных мэдыяў.
Намесьнік начальніка Кастрычніцкага райаддзелу Віцебску Аляксандар Каліноўскі загадаў грамадзянам ехаць у пастарунак, бо яны, паводле ягонага меркаваньня, арганізавалі несанкцыянаванае шэсьце з забароненай сымболікай.
“Забароненым сымбалем” міліцыянты палічылі бел-чырвона-белы шалік актывісткі АГП Алены Залескай.
Як паведаміў адзін з затрыманых, сябра КХП БНФ Ян Таўпыга, цяпер у Кастрычніцкім райаддзеле ўнутраных справаў знаходзіцца восем чалавек, сярод іх трое непаўналетніх.
Групу незалежных журналістаў, якія сачылі за дзеяньнямі міліцыянтаў і фатаграфавалі затрыманьне актывістаў, атачылі невядомыя людзі ў цывільным і суправаджаюць па горадзе.
Пяцёра чалавек пільнуюць рэдактара недзяржаўнай газэты “Витебский курьер” Уладзімера Базана, яшчэ трое сочаць за супрацоўнікамі іншых незалежных мэдыяў.