Радыё Свабода Крэдыторы “Джэм-банку” зьбяруцца на сход, які адбудзецца 26 сакавіка ў будынку Палацу культуры па вуліцы Матусевіча, 20 у Менску. На сходзе абмяркуюць фінансавы стан банку.
Як паведамляе адзел інфармацыі Нацбанку, ААТ “Джэм-банк” зарэгістраванае ў Беларусі ў 1991 годзе. Але ў зьвязку зь незадавальняючым фінансавым станам, церазь які банк ня здолеў выканаць усе абавязаньні перад укладнікамі ды іншымі крэдыторамі, былі прыпыненыя, а летась адкліканыя ўсе ліцэнзіі.