Радыё Свабода Украінскі міністр транспарту й сувязі Мікалай Рудзькоўскі прапанаваў злучыць чарнаморскія й балтыйскія парты сучасным аўтабанам.
Пра гэта спадар Рудзькоўскі заявіў у Гомелі на прэсавай канферэнцыі пасьля сустрэчы са сваім беларускім калегам Уладзімірам Сасноўскім.
Міністры абмяркоўвалі пэрспэктывы супрацоўніцтва ў cфэры ўнутранага воднага, чыгуначнага транспарту й міжнародных аўтамабільных перавозак. Аўтабан дасьць магчымасьць павялічыць грузапаток ня менш, як у дзесяць разоў.
Паводле Рудзькоўскага, цягам бліжэйшых пяці гадоў ва Украіне будзе пабудавана звыш пяці тысяч кілямэтраў аўтабанаў -- падобных таму, які зьвязвае цяпер Адэсу й Кіеў. Сучасную хуткасную аўтамагістраль украінцы наважаны дабудаваць да беларускай мяжы.
Пры актыўным удзеле ў праекце Беларусі, Літвы й Расеі аўтабан можна працягнуць да Санкт-Пецярбургу і такім чынам злучыць чарнаморскія й балтыйскія парты яшчэ і аўтамабільным транспартам.
Паводле Рудзькоўскага, цягам бліжэйшых пяці гадоў ва Украіне будзе пабудавана звыш пяці тысяч кілямэтраў аўтабанаў -- падобных таму, які зьвязвае цяпер Адэсу й Кіеў. Сучасную хуткасную аўтамагістраль украінцы наважаны дабудаваць да беларускай мяжы.
Пры актыўным удзеле ў праекце Беларусі, Літвы й Расеі аўтабан можна працягнуць да Санкт-Пецярбургу і такім чынам злучыць чарнаморскія й балтыйскія парты яшчэ і аўтамабільным транспартам.