Радыё Свабода Беларусь зьбіраецца выкарыстоўваць балтыйскія партовыя тэрміналы для перавозкі вэнэсуэльскай і іранскай нафты ў Беларусь. Пра гэта журналістам паведаміў першы намесьнік прэм’ер-міністра Беларусі Уладзімер Сямашка.
Уладзімер Сямашка таксама зазначыў, што Беларусь вядзе працы для выведкі і дасьледаваньня нафтаносных раёнаў у Вэнэсуэле і Іране. Пачаць здабычу нафты там плянуецца праз 3–4 гады. Тады балтыйскія партовыя тэрміналы і будуць запатрабаваныя, пачнецца аднаўленьне транспартнай структуры, прыкладам, нафтаправода Вэнтспілс–Наваполацк. Пра гэта паведамляе БЕЛТА.