Ігар Карней, Менск Згодна з пастановай Савета міністраў ад 1 сакавіка 2007 году Беларусь скасуе абмежаваньні на імпарт расейскага піва, якія дзейнічалі апошнія чатыры гады. Дагэтуль рэалізацыя расейскага піва ў Беларусі вялася праз склады часовага захоўваньня і толькі пры наяўнасьці дакумэнтаў адмысловага ўзору, што пацьвярджалі легальнасьць тавару. Беларускія бровары крытыкуюць лібэралізм ураду і прагназуюць выцясьненьне беларускага прадукту з унутранага рынку.
У апараце Савета міністраў цьвердзяць, што ахоўная схема ў дачыненьні да расейскага піва больш непатрэбная. Паводле экспэртаў, уведзеная раней маркіроўка забясьпечвае кантроль за ўвозам, перамяшчэньнем і захоўваньнем піва.
Расейскія вытворцы радыя
Кіраўніцтва Саюзу расейскіх півавараў вельмі ўсьцешанае рашэньнем беларускага ўраду. Пра гэта гаворыць прадстаўнік арганізацыі Ўладзімер Кузьняцоў.
Кузьняцоў: “Так, мы ведаем, што зьнятыя абмежаваньні на ўвоз і абарот расейскага піва ў Беларусь”.
Карней: “Гэта спросьціць працу расейскім броварам?”
Кузьняцоў: “Безумоўна. Мы ўчора распаўсюдзілі афіцыйны прэс-рэліз у сувязі з рашэньнем ураду Рэспублікі Беларусь, з тлумачэньнем нашай пазыцыі ў гэтым пытаньні”.
Паводле рэлізу, неапраўдана жорсткімі адміністратыўнымі захадамі супраць расейскага піва называецца між іншым збор за разавую ліцэнзію ў памеры 10700 даляраў за 10000 дал піва. Апроч таго, увоз расейскага піва ажыцьцяўляецца толькі праз склады часовага захоўваньня.
Паводле расейскіх бровараў, “дыскрымінацыйны характар” ўвозу і абароту піва на тэрыторыі Беларусі быў падставай для шматлікіх зваротаў як ва ўрад Расейскай Фэдэрацыі, так і да беларускіх уладаў. Пытаньне ўздымалася падчас двухбаковых перамоваў на самым высокім узроўні.
Беларускія бровары непакояцца
Аднак пазытыўная ацэнка з боку расейскіх бровараў на цяперашняе рашэньне Савету міністраў зусім не супадае з меркаваньнем беларускіх бровараў. Супрацоўнік аднаго з рэгіянальных піўзаводаў кажа, што цяпер беларускім вытворцам давядзецца выжываць ў вельмі складаных умовах.
Супрацоўнік бровару: “Цяперашні кошт для Беларусі – гэта звычайны дэмпінг. Калі ў Маскве піва каштуе даражэй, чым у Менску (той жа самы “Эфэс”, які вырабляецца ў Расеі), то гэта наўпрост сьведчыць пра звычайны дэмпінг у канкрэтнай сытуацыі. Цяпер проста ідзе вайна за рынак. А кошты ўздымуцца ўжо тады, калі нармальна тут яны асядуць. Тая ж “Балтыка” ужо цяпер трымае 12% усяго беларускага піўнога рынку”.
Паводле Міністэрства статыстыкі і аналізу, за 2006 год імпарт піва з Расеі склаў 5 мільёнаў дал, што на 47% больш у параўнаньні з папярэднім годам. Агульны аб’ём вытворчасьці піва ў Беларусі летась зафіксаваны на адзнацы 33 мільёны дал.
Беларускае піва падаражэе
Як кажа мой суразмоўца, гандаль беларускім півам на ўнутраным рынку ўскладняецца яшчэ й шэрагам зьнешніх фактараў.
Супрацоўнік бровару: “Па беларускім піве зараз чакаецца падвышэньне, падвышаць кошты будуць усе. Зьвязана гэта і з энэрганосьбітамі, і з падаткаабкладаньнем, і з усім на сьвеце. У беларускіх заводаў вельмі нізкая прадукцыйнасьць працы, і яны працуюць ва ўмовах, калі працэнт рэнтабэльнасьці зусім мізэрны. І на любую зьмену сабекошту яны рэагуюць адразу ж падвышэньнем коштаў. Тыя ж перавозкі, транспартныя паслугі падаражэлі. Тыя ж кацельні падаражэлі, даражэе сыравіна. І мы ад 19 лютага вымушаныя падняць цэны на 8%”.
Гандлёвыя непаразуменьні Беларусі і Расеі застаюцца
На тле адзінкавага паразуменьня паміж Расеяй і Беларусьсю ў піўной галіне нявырашанымі застаюцца праблемы ў іншых сфэрах. Напрыклад, пэрспэктывы супрацоўніцтва ў пастаўках на расейскі рынак цукру зь Беларусі.
Галоўны санітарны лекар Расеі Генадзь Анішчанка раз-пораз абураецца, што забароненыя для рэалізацыі ў Расейскай Фэдэрацыі малдаўскія і грузінскія віны трапляюць у Расею праз трэція краіны ў якасьці вінаматэрыялаў.
Паводле Анішчанкі, ёсьць нагода казаць пра “алькагольную змову”, бо ўся вінная прадукцыя Беларусі на 80% складаецца з малдаўскай сыравіны. А з улікам таго, што паміж Беларусьсю і Расеяй няма мяжы, беларускі напрамак кіраўніка расейскай службы санэпідэмнагляду хвалюе не на жарт.
Ня вырашаны канфлікт паміж вытворцамі кандытарскіх вырабаў зь Беларусі і Расеі. На паліцах крамаў поўна цукерак, печыва, іншых слодычаў, вырабленыя пад адным брэндам, але ў розных краінах. І расейскія, і беларускія вытворцы кажуць, што маюць патэнты на выраб прадукцыі на сваёй тэрыторыі. Аднак трапіць на суседні рынак праблематычна. Між тым, як лічаць экспэрты, праблемы ў расейскіх кандытараў узьніклі якраз у адказ на ініцыятыву Міністэрства эканамічнага разьвіцьця Расеі абмежаваць пастаўкі беларускага цукру.
А нядаўна Камітэт Дзяржкантролю Беларусі пачаў апэратыўна-вышуковыя мерапрыемствы супраць асобаў, якія бяз мытных плацяжоў займаюцца нелегальным увозам мабільных тэлефонаў з Расеі.
Расейскія вытворцы радыя
Кіраўніцтва Саюзу расейскіх півавараў вельмі ўсьцешанае рашэньнем беларускага ўраду. Пра гэта гаворыць прадстаўнік арганізацыі Ўладзімер Кузьняцоў.
Кузьняцоў: “Так, мы ведаем, што зьнятыя абмежаваньні на ўвоз і абарот расейскага піва ў Беларусь”.
Карней: “Гэта спросьціць працу расейскім броварам?”
Кузьняцоў: “Безумоўна. Мы ўчора распаўсюдзілі афіцыйны прэс-рэліз у сувязі з рашэньнем ураду Рэспублікі Беларусь, з тлумачэньнем нашай пазыцыі ў гэтым пытаньні”.
Паводле рэлізу, неапраўдана жорсткімі адміністратыўнымі захадамі супраць расейскага піва называецца між іншым збор за разавую ліцэнзію ў памеры 10700 даляраў за 10000 дал піва. Апроч таго, увоз расейскага піва ажыцьцяўляецца толькі праз склады часовага захоўваньня.
Паводле расейскіх бровараў, “дыскрымінацыйны характар” ўвозу і абароту піва на тэрыторыі Беларусі быў падставай для шматлікіх зваротаў як ва ўрад Расейскай Фэдэрацыі, так і да беларускіх уладаў. Пытаньне ўздымалася падчас двухбаковых перамоваў на самым высокім узроўні.
Беларускія бровары непакояцца
Аднак пазытыўная ацэнка з боку расейскіх бровараў на цяперашняе рашэньне Савету міністраў зусім не супадае з меркаваньнем беларускіх бровараў. Супрацоўнік аднаго з рэгіянальных піўзаводаў кажа, што цяпер беларускім вытворцам давядзецца выжываць ў вельмі складаных умовах.
Супрацоўнік бровару: “Цяперашні кошт для Беларусі – гэта звычайны дэмпінг. Калі ў Маскве піва каштуе даражэй, чым у Менску (той жа самы “Эфэс”, які вырабляецца ў Расеі), то гэта наўпрост сьведчыць пра звычайны дэмпінг у канкрэтнай сытуацыі. Цяпер проста ідзе вайна за рынак. А кошты ўздымуцца ўжо тады, калі нармальна тут яны асядуць. Тая ж “Балтыка” ужо цяпер трымае 12% усяго беларускага піўнога рынку”.
Паводле Міністэрства статыстыкі і аналізу, за 2006 год імпарт піва з Расеі склаў 5 мільёнаў дал, што на 47% больш у параўнаньні з папярэднім годам. Агульны аб’ём вытворчасьці піва ў Беларусі летась зафіксаваны на адзнацы 33 мільёны дал.
Беларускае піва падаражэе
Як кажа мой суразмоўца, гандаль беларускім півам на ўнутраным рынку ўскладняецца яшчэ й шэрагам зьнешніх фактараў.
Супрацоўнік бровару: “Па беларускім піве зараз чакаецца падвышэньне, падвышаць кошты будуць усе. Зьвязана гэта і з энэрганосьбітамі, і з падаткаабкладаньнем, і з усім на сьвеце. У беларускіх заводаў вельмі нізкая прадукцыйнасьць працы, і яны працуюць ва ўмовах, калі працэнт рэнтабэльнасьці зусім мізэрны. І на любую зьмену сабекошту яны рэагуюць адразу ж падвышэньнем коштаў. Тыя ж перавозкі, транспартныя паслугі падаражэлі. Тыя ж кацельні падаражэлі, даражэе сыравіна. І мы ад 19 лютага вымушаныя падняць цэны на 8%”.
Гандлёвыя непаразуменьні Беларусі і Расеі застаюцца
На тле адзінкавага паразуменьня паміж Расеяй і Беларусьсю ў піўной галіне нявырашанымі застаюцца праблемы ў іншых сфэрах. Напрыклад, пэрспэктывы супрацоўніцтва ў пастаўках на расейскі рынак цукру зь Беларусі.
Галоўны санітарны лекар Расеі Генадзь Анішчанка раз-пораз абураецца, што забароненыя для рэалізацыі ў Расейскай Фэдэрацыі малдаўскія і грузінскія віны трапляюць у Расею праз трэція краіны ў якасьці вінаматэрыялаў.
Паводле Анішчанкі, ёсьць нагода казаць пра “алькагольную змову”, бо ўся вінная прадукцыя Беларусі на 80% складаецца з малдаўскай сыравіны. А з улікам таго, што паміж Беларусьсю і Расеяй няма мяжы, беларускі напрамак кіраўніка расейскай службы санэпідэмнагляду хвалюе не на жарт.
Ня вырашаны канфлікт паміж вытворцамі кандытарскіх вырабаў зь Беларусі і Расеі. На паліцах крамаў поўна цукерак, печыва, іншых слодычаў, вырабленыя пад адным брэндам, але ў розных краінах. І расейскія, і беларускія вытворцы кажуць, што маюць патэнты на выраб прадукцыі на сваёй тэрыторыі. Аднак трапіць на суседні рынак праблематычна. Між тым, як лічаць экспэрты, праблемы ў расейскіх кандытараў узьніклі якраз у адказ на ініцыятыву Міністэрства эканамічнага разьвіцьця Расеі абмежаваць пастаўкі беларускага цукру.
А нядаўна Камітэт Дзяржкантролю Беларусі пачаў апэратыўна-вышуковыя мерапрыемствы супраць асобаў, якія бяз мытных плацяжоў займаюцца нелегальным увозам мабільных тэлефонаў з Расеі.