Алег Грузьдзіловіч, Менск Сёньня адбылася сустрэча старшыні Парлямэнцкай асамблеі Рады Эўропы Рэнэ ван дэр Ліндэна з прадстаўнікамі грамадзянскай супольнастьці – жонкай экс-кандыдата на прэзыдэнта Аляксандра Казуліна Ірынай, старшынёй Беларускай асацыяцыі журналістаў Жаннай Літвіной, парваабаронцамі Гары Паганяйлам і Алесем Бяляцкім, навукоцамі Алегам Манаевым і Яраславам Раманчуком, а таксама былым палітвязьнем Сяргеем Скрабцом.
Ірына Казуліна паведаміла радыё Свабода, што паводле Рэнэ ван дэр Ліндэна, ён у часе кожнай сустрэчы з афіцыйнымі прадстаўнікамі краіны ўздымае праблему палітычных вязьняў у Беларусі і ў паасобку згадвае лёс Аляксандра Казуліна. На гэта прадстаўнікі ўладаў адказваюць старшыні ПАРЭ, што палітзьняволеных у Беларусі няма, а ёсьць пакараныя паводле Крымінальнага кодэксу.
Старшыня ПАРЭ таксама паведаміў прадстаўнікам грамадзянскай супольнасьці, што ён прапанаваў беларускім уладам правесьці незалежную экспэртызу паводле вінавачаньняў, выстаўленых Аляксандру Казуліну ды іншым палітзьняволеным.
Старшыня ПАРЭ таксама паведаміў прадстаўнікам грамадзянскай супольнасьці, што ён прапанаваў беларускім уладам правесьці незалежную экспэртызу паводле вінавачаньняў, выстаўленых Аляксандру Казуліну ды іншым палітзьняволеным.