Валер Каліноўскі, Менск Памочнік генэральнага дырэктара кампаніі “Укртранснафта” Аляксандар Дзікусараў паведаміў “Свабодзе”, што сёньня ў Маскву адбыла ўрадавая дэлегацыя Ўкраіны на чале зь міністрам паліва і энэргетыкі краіны Юрыем Бойкам. Мэта – перамовы ў расейскім “Газпроме” і ў кампаніі “Транснефть” наконт павелічэньня транзыту расейскага газу і нафты праз Украіну.
Спадар Дзікусараў зазначыў, што перамовы плянавыя, ня зьвязаныя з абвастрэньнем беларуска-расейскага крызысу ў галіне пастаўкі і транзыту энэрганосьбітаў.
У расейскім урадзе пад час спыненьня працы беларускага ўчастку нафтаправоду “Дружба” паведамлялі, што шукаюць альтэрнатыўных Беларусі магчымасьцяў для транзыту нафты ў Эўропу.
У расейскім урадзе пад час спыненьня працы беларускага ўчастку нафтаправоду “Дружба” паведамлялі, што шукаюць альтэрнатыўных Беларусі магчымасьцяў для транзыту нафты ў Эўропу.