Дзяржаўнае транспартнае прадпрыемства «Менсктранс» абвясьціла, што ўводзіць кнопкі, якія дазволяць адчыняць дзьверы ў транспарце. Цяпер дзьверы ў аўтобусах, тралейбусах і трамваях працуюць у аўтаматычным рэжыме, то бок адчыняюцца, нават калі на прыпынку празь іх ніхто не ўваходзіць і не выходзіць.
Кнопкі дазволяць зьмяніць падыход — дзьверы будуць адчыняцца толькі пры патрэбе, калі на кнопку націсьне чалавека, які хоча зайсьці ў салён або выйсьці з транспарту.
Ужо 1 траўня пачнецца тэставы рэжым у транспарце, абсталяваным такімі кнопкамі. На кнопках дадатковае сьвятладыёднае падсьвятленьне, якое дапаможа лягчэй іх заўважаць.
Кнопкі будуць актывавацца толькі пры поўным спыненьні транспарту. Дзякуючы гэтаму ўзімку ў салёне будзе захоўвацца больш цеплыні, бо дзьверы ня будуць адчыняцца, калі ніхто імі не скарыстаецца. А ўлетку гэта дапаможа захаваць прахалоду ад кліматызацыі ў салёне.
Тэхналёгія ня новая: у многіх краінах Эўропы транспарт шмат гадоў абсталяваны падобнымі кнопкамі. Цяпер сыстэма дайшла й да Беларусі, пакуль толькі да Менску.