У Міністэрстве абароны Расеі паведамілі аб катастрофе вайсковага самалёту Ан-26 у анэксаваным Расеяй Крыме.
Як паведамілі дзяржаўныя расейскія СМІ, на борце былі 29 вайскоўцаў, уключна з экіпажам.
Папярэдне прычынай падзеньня самалёта назвалі тэхнічныя няспраўнасьці.
Агенцтвы ТАСС і «РИА Новости» з спасылкай на крыніцы на месцы катастрофы паведамілі, што самалёт урэзаўся ў скалу.
Паводле Міністэрства абароны Расеі, самалёт рабіў плянавы палёт над акупаваным Крымам. Пападаньня ў яго не было.
Як сьцьвярджаюць у Генэральным штабе Ўзброеных сілаў Украіны, з пачатку поўнамаштабнага ўварваньня ва Ўкраіну расейская армія страціла 435 самалётаў розных тыпаў.