Актор Шон Пэн наведаў Украіну, прапусьціўшы цырымонію ўручэньня ўзнагарод Амэрыканскай кінаакадэміі «Оскар» у Злучаных Штатах, якая адбылася напярэдадні.
Прэзыдэнт Украіны Уладзімір Зяленскі апублікаваў фота з акторам, назваўшы яго сапраўдным сябрам Украіны:
«Дзякуючы табе, Шоне, мы ведаем, што такое сапраўдны сябар Украіны. Ты з Украінай зь першага дня поўнамаштабнай вайны. І сёньня. І ведаем, што і будзеш надалей з нашай краінай і нашым народам».
Уладзімір Зяленскі і Шон Пэн 16 сакавіка 2026 году
65-гадовага актора ўганаравалі сёлета «Оскарам» за найлепшую мужчынскую ролю другога пляну ў фільме «Адна бітва за іншай» (One Battle After Another). Гэта трэцяя ягоная статуэтка і шостая агулам намінацыя ад Амэрыканскай кінаакадэміі.
ГЛЯДЗІЦЕ ТАКСАМА: «Спадар Ніхто супраць Пуціна» атрымаў прэмію «Оскар» за найлепшы дакумэнтальны фільм