«Аб’екты бесьперапынна ідэнтыфікаваліся і адсочваліся сыстэмамі вайсковай выведкі. Сытуацыя кантралявалася і не стварала пагрозы для бясьпекі паветранага руху і польскіх грамадзян», — адзначаецца ў паведамленьні.
Польскія вайскоўцы супрацоўнічаюць з службамі, якія адказваюць за дзяржаўную бясьпеку, і надаюць ім інфармацыю, неабходную для хуткага рэагаваньня, уключаючы захоп «аб’ектаў і затрыманьне асобаў, падазраваных у датычнасьці да гэтых інцыдэнтаў».
Больш ніякіх дэталяў аб гэтым інцыдэнце не паведамляюць.
Сёлета пачасьціліся прылёты ў Польшчу паветраных балёнаў з кантрабандай зь Беларусі. Раней аналягічныя інцыдэнты выклікалі крызіс у адносінах Беларусі і Літвы.
Паветраныя балёны ствараюць праблемы для цывільнай авіяцыі ў Літве. Апошні інцыдэнт, найбуйнейшы сёлета, адбыўся 27 студзеня. У выніку віленскі аэрапорт закрывалі тройчы, у выніку чаго пацярпелі 1,7 тысячы пасажыраў.
У канцы 2025 году кантрабандныя балёны зь Беларусі больш за 10 разоў парушалі дзейнасьць літоўскіх аэрапортаў.
ГЛЯДЗІЦЕ ТАКСАМА: У Польшчы затрымалі восем чалавек у справе аб паветранай кантрабандзе цыгарэт зь Беларусі