Як піша Realt, зыходзячы з праектнай дакумэнтацыі, якая цяпер распрацоўваецца, заплянаваныя дзіцячыя забаўляльныя цэнтры, месцы для харчаваньня на 75 асобаў, два кінатэатры на 64 асобы.
Уваход у гатэль будзе асобным.
Уваходная група аб’екту таксама зьменіцца: замест вузкіх калідораў зьявіцца прасторны калідор. Для зручнасьці наведнікаў усталююць эскалятары і ліфты.
Зьменіцца і прылеглая інфраструктура. Напрыклад, зьявяцца 200 месцаў для паркоўкі.
Так выглядае праект кіно і гатэлю
Да канца году павінны завяршыцца праектныя работы, якія выконваюць дасьведчаныя віцебскія адмыслоўцы. Будаўніцтва цэнтру разьлічваюць пачаць у першыя месяцы 2027 году.
У сьнежні 2024 году ў гандлёвым цэнтры «Беларусь» у Віцебску адбыўся вялікі пажар. Пасьля гэтага стала вядома, што гэтае месца чакае вялікая перабудова.
ГЛЯДЗІЦЕ ТАКСАМА: Віцебскі гандлёвы цэнтар «Беларусь» пасьля пажару зьнясуць