2 лютага ў Вільні адбыўся мітынг памяці ахвяраў вайны ва Ўкраіне, арганізаваны ініцыятывай «Дапамога». У ім узялі ўдзел беларусы, якія выказалі салідарнасьць з украінскім народам.
З прамовай выступіў дарадца Сьвятланы Ціханоўскай па парлямэнцкім супрацоўніцтве Анатоль Лябедзька, які заявіў, што мэты Ўладзіміра Пуціна адносна Ўкраіны і Беларусі аднолькавыя — анэксія і поўны кантроль, паведамляецца ў сацсетках лідэркі дэмакратычных сілаў Беларусі. Лябедзька трымаў партрэт загінулай беларускай добраахвотніцы Марыі Зайцавай
Падчас мітынгу таксама быў паказаны відэазварот Святланы Ціханоўскай. У сваіх сацыяльных сетках яна падкрэсьліла, што беларусы падтрымліваюць Украіну і змагаюцца за тыя ж каштоўнасьці свабоды і дэмакратыі, адзначыўшы: «Беларусы — гэта не рэжым».