Як адзначаецца ў матэрыяле тэлеканалу СТВ, гэтая распрацоўка атрымала дыплём на рэспубліканскім конкурсе інавацый.
«У нашых крамах зьявілася паліца здаровых прадуктаў харчаваньня. Я сама заўсёды спыняюся і гляджу, што там зьявілася. І вельмі крыўдна, што нашых прадуктаў там вельмі мала. І таму мы займаемся распрацоўкай прадуктаў, якія могуць там заняць свае пазыцыі», — сказала асьпірантка Беларускага дзяржаўнага ўнівэрсытэту харчовых і хімічных тэхналёгій Ліяна Шустова.
Паводле распрацоўшчыкаў, «унікальны смак і тэкстуру прадукту надае сакрэтны сыроп, дакладны склад якога не раскрываюць». Неўзбаве гэты снэк мусіць атрымаць патэнт.
Грыльяж з прарошчанай грэчкі зьяўляцца вельмі папулярнай сярод вэганаў стравай, якую гатуюць і ў хатніх, і ў прамысловых умовах. Такі прадукт ужо вырабляюць у Санкт-Пецярбургу, ёсьць прыватныя вытворцы ва Ўкраіне. Клясычны рэцэпт прадугледжвае ў складзе яшчэ і арэхі, але беларуская распрацоўка іх не ўтрымлівае.
ГЛЯДЗІЦЕ ТАКСАМА: 9 высноваў пра здаровае харчаваньне паводле амэрыканскіх дыетолягаў