Па іх словах, Трамп плянуе аб’явіць аб пагадненьні падчас звароту да Кангрэсу ў аўторак увечары. Суразмоўцы выданьня падкрэсьліваюць, што ўгода яшчэ не падпісаная і сытуацыя можа зьмяніцца.
Падпісаньне пагадненьня сарвалася з прычыны сваркі паміж Трампам, віцэ-прэзыдэнтам ЗША Джэй Ды Вэнсам і прэзыдэнтам Украіны Ўладзімірам Зяленскім, якая адбылася 28 лютага ў Белым доме.
У ходзе адкрытай часткі перамоваў Зяленскі заявіў аб негатоўнасьці Кіева да спыненьня агню і аб неабходнасьці атрымаць гарантыі бясьпекі ад Вашынгтона. У адказ Трамп сказаў, што Ўкраіна знаходзіцца «ў нявыгадных умовах з пачатку вайны» і «павінна быць удзячная» ЗША, а ўкраінскія ўлады «ня могуць казаць» Беламу дому, хоча ці ня хоча Кіеў спыненьня агню.
4 сакавіка Зяленскі апублікаваў пост з ацэнкай гэтай сустрэчы. Ён заявіў, што яна «прайшла ня так, як меркавалася», і выказаў гатоўнасьць сесьці за стол перамоваў «як мага хутчэй». Украінскі прэзыдэнт таксама заявіў, што Ўкраіна гатова падпісаць пагадненьне аб карысных выкапнях і бясьпецы «ў любы час і ў любым зручным фармаце».