Футболкі кампаніі Mark Formelle з надпісам #беларусыговорят выклікалі падазрэньне ў прапагандыстаў. У тым, што слова «беларусы» напісана празь літару «а», яны пабачылі сымбаль.
«Дулю ў кішэні пабачылі, намёк зразумелі», — напісаў прапагандыст Рыгор Азаронак. «Писать белАрус через А по-русски — маркер, символ, знак змагаров и борцов с режимом», «так прынцыпова пішуць экстрэмісцкія СМІ» і таму гэта не выпадкова, упэўнены Азаронак.
«У расейскай мове толькі так: белОрус, белОрусский. Без выключэньняў, нават у выглядзе маркетынгавых хадоў», — быў катэгарычным прапагандыст і гісторык Вадзім Гігін.
А прапагандыстка Людміла Гладкая нагадала ініцыятарам надпісу пра Крымінальны кодэкс.
Напярэдадні выпуску футболак кампанія Mark Formelle вырашыла параіцца са сваімі падпісантамі ў сацсетках і разьмясьціла ў Instagram фота цішотак з пытаньнем: «Запускаем?» Гэты пост набраў дзясяткі тысяч падабаек.
ГЛЯДЗІЦЕ ТАКСАМА: #разам_ад_заразы — беларускі вытворца адзеньня кінуў іншым кампаніям «антывірусны» выклік