Пра ўзгараньне ў будынку Крупскага раённага цэнтру культуры (Менская вобласьць) паведаміла 24 студзеня Міністэрства па надзвычайных сытуацыях.
Адзначаецца, што агонь ахапіў «перакрыцьце на плошчы 5 квадратных мэтраў».
«Ратавальнікі сумесна з прадстаўнікамі аб’екта эвакуавалі 14 чалавек», — гаворыцца ў паведамленьні ведамства.
Узгараньне «апэратыўна ліквідаванае», адзначылі ў МНС, пацярпелых няма. Прычына пажару высьвятляецца.
У апэратыўнай зводцы МНС за 24 студзеня паведамляецца, што з пачатку году ў Беларусі адбыўся 401 пажар — на 14,5% менш, чым за аналягічны пэрыяд 2024-га (469). Загінула 56 чалавек (–26,3%; 76).
За мінулы год агонь забраў жыцьці 562 чалавек — на 7,3% больш, чым у 2023-м (524).
ГЛЯДЗІЦЕ ТАКСАМА: У Менску гарэлі гандлёвы цэнтар «Сылюэт» і прадпрыемства «Белмэдпрэпараты»