«Гэта адна зь вядучых у сьвеце сыстэм для перахопу сучасных пагроз, у тым ліку балістычных і крылатых ракетаў, самалётаў і бесьпілётнікаў», — гаворыцца ў заяве міністэрства абароны Ізраілю.
Сыстэма супрацьракетнай абароны «Прашча Давіда» распрацавана ізраільскай кампаніяй Rafael сумесна з амэрыканскай Raytheon. Яна здольная перахопліваць ракеты з далёкасьцю пуску ад 40 да 300 кілямэтраў. «Прашча Давіда» заступіла на баявое дзяжурства ў Ізраілі ў красавіку 2017 году і ўпершыню была выкарыстаная ў траўні 2023-га.
Урад Фінляндыі заявіў пра намер набыць «Прашчу Давіда» ў красавіку 2023 году — пасьля ўступленьня краіны ў NATO.
Міністэрства абароны Фінляндыі заявіла, што новая вайна ў сэктары Газа не паўплывае на пагадненьне аб пастаўках ізраільскіх сыстэм супрацьракетнай абароны. Аднак самі пастаўкі маюць адбыцца толькі ў канцы 2020-х гадоў.
ГЛЯДЗІЦЕ ТАКСАМА: «Каб дэкалянізаваць тэрыторыю, трэба спачатку дэкалянізаваць мысьленьне», — Ціханоўская на міжнароднай канфэрэнцыі ў Хэльсынкі ГЛЯДЗІЦЕ ТАКСАМА: Прэзыдэнт Турэччыны Эрдаган падпісаў пратакол аб уступленьні Швэцыі ў NATO