У Менскай вобласьці зацьвердзілі пералік абʼектаў, якія павінны быць абавязкова абсталяваныя «сыстэмай відэаназіраньня за станам грамадзкай бясьпекі». Адпаведны дакумэнт апублікаваны 26 кастрычніка на Нацыянальным прававым інтэрнет-партале.
Як паведамляе «Зеркало», у сьпісе 833 абʼекты. Кожны зь іх павінен быць абсталяваны сыстэмай відэаназіраньня — у абавязковым парадку.
У сьпісе аўтазаправачныя станцыі, школы, паліклінікі, крамы, кавярні, гандлёвыя кропкі, фізкультурна-аздараўленчыя комплексы і паркі.
Раней у Менску пашырылі пералік абʼектаў, якія падлягаюць абавязковаму абсталяваньню сыстэмамі відэаназіраньня. А ў ліпені 2023 года сілавікі паведамлялі, што колькасьць камэраў у Менску плянуецца павялічыць у тры разы.
ГЛЯДЗІЦЕ ТАКСАМА:
Да канца 2023 году ва ўсіх лясах Беларусі ўсталююць відэаназіраньнеГЛЯДЗІЦЕ ТАКСАМА:
8 аўтобусаў за 744 000 даляраў, 50 000 на праслухоўваньне размоваў. Што сёлета набываюць беларускія сілавікіГЛЯДЗІЦЕ ТАКСАМА:
Улады Беларусі хочуць уключыць відэаназіраньне ў камунальныя паслугі для аплаты жыхарамі