Пошукава-выратавальныя работы ўсё яшчэ працягваюцца ў клюбе ў паўднёва-ўсходнім горадзе Мурсія, паведамляе мэрыя горада.
Аварыйна-выратавальныя службы заявілі ў сацыяльных сетках, што ратавальнікам удалося ўвайсьці ў будынак пасьля таго, як у 6:00 раніцы па мясцовым часе (04:00 па Грынвічы) ім паведамілі, што ў начным клюбе ўспыхнуў пажар.
Ім удалося ўвайсьці каля 10 гадзін, яны выявілі чатыры целы, а потым яшчэ два прыкладна праз сорак хвілін.
Праз гадзіну мэрыя пацьвердзіла, што колькасьць ахвяр вырасла да сямі.
Згодна з апублікаваным экстраннымі службамі фотаздымкам, пажар здарыўся ў начным клюбе «Teatre», які таксама называюць «Fonda Milagros». На фотаздымках відаць, як пачарнелы фасад клюба ўсё яшчэ апырскваюць з пажарных машын.
Яшчэ чацьвёра атрымалі раненьні: дзьве жанчыны ва ўзросьце 22 і 25 гадоў і двое мужчын ва ўзросьце сарака. Усе яны надыхаліся дымам.