Падчас размовы ахвяру пераконваюць узяць крэдыт і перавесьці грошы на нібы бясьпечны рахунак. Выканаўшы ўказаньне, пацярпелы пазбаўляецца ўсіх сродкаў, кажуць прадстаўнікі міліцыі.
Паведамляецца, што карыстальнікаў сацсетак прыцягваюць інвэстыцыямі на фэйкавых біржах, прапануюць укласьціся ў крыптавалюты або каштоўныя паперы вядучых прадпрыемстваў, абяцаюць вялікі прыбытак — замест 4-5% гадавых ашуканцы абяцаюць ад 10% да 30%. У такой «рэкляме» выкарыстоўваецца сымболіка вядомых гандлёвых пляцовак і рэальных арганізацый.
Паводле МУС, пры куплі рэчаў праз Instagram людзі таксама трапляюцца на хітрыкі ашуканцаў. Яны ствараюць акаўнты інтэрнэт-крамаў, якія на першы погляд не выклікаюць падазрэньняў — шмат падпісчыкаў, абнаўляецца стужка тавару. Але адметнай рысай падобных крам зьяўляецца поўная або частковая перадаплата і кошт, які значна ніжэйшы за рынкавы.
ГЛЯДЗІЦЕ ТАКСАМА:
Махляры скралі асабістыя дадзеныя мільёна беларусаў. Разьбіраемся, чым гэта пагражае