Гомельскі завод ліцьця і нармаляў апублікаваў у сваім тэлеграм-канале «пакаяльнае» відэа свайго ужо былога супрацоўніка Віталя Сваткоўскага, паведамляюць праваабаронцы «Вясны».
На відэа бачна, як мужчыну затрымлівае ГУБАЗіК — яго паклалі на зямлю, а адзін зь сілавікоў паставіў на шыю затрыманага сваё калена.
Пасьля гэтага ў Віталя спыталі, якога колеру беларускі сьцяг і хто прэзыдэнт краіны.
Пазьней Сваткоўскі сказаў, што ставіў «падабайкі» на «экстрэмісцкія» допісы ў «Аднакласьніках». Паведамляюць, што яму прызначылі 25 дзён арышту.
ГЛЯДЗІЦЕ ТАКСАМА:
Хроніка перасьледу 30 ліпеня: Былому выкладчыку БДУІР прысудзілі 4 гады калёніі за данаты ў 2020-ым