Раней хлопца абвінавацілі ў «наўмысных дзеяньнях па рэабілітацыі нацызму», а таксама «садзейнічаньні экстрэмісцкай дзейнасьці», і асудзілі на 3 гады выхаваўчай калёніі.
Мікіта Бруй — 17-гадовы стрыечны праўнук народнага пісьменьніка Беларусі Якуба Коласа, вучыўся ў сярэдняй школе ў вёсцы Мікалаеўшчына.
Яго затрымалі ў справе «Саюзу беларускага нацыянальнага шчыта» і абвінавацілі ў «наўмысных дзеяньнях па рэабілітацыі нацызму» (ч. 1 арт. 130-1 КК) і «садзейнічаньні экстрэмісцкай дзейнасьці» (ч. 1 і ч. 2 арт. 361-1 КК).
Судзьдзя Вікторыя Палешчук прызначыла хлопцу 3 гады выхаваўчай калёніі.
24 ліпеня праваабаронцы прызналі Мікіту палітвязьнем.
ГЛЯДЗІЦЕ ТАКСАМА: 17-гадовага стрыечнага праўнука Якуба Коласа асудзілі на тры гады за «экстрэмізм» ГЛЯДЗІЦЕ ТАКСАМА: Навіны палітвязьняў: Патрыцыю Сьвіціну, якая адмовілася ад прэміі Лукашэнкі, пачнуць судзіць 1 жніўня