Паводле дадзеных крыніцы тэлеканалу РБК, паведамленьне, у якім угледзелі такія заклікі, зьявілася ў тэлеграм-канале Nexta Live у сакавіку 2022 году. Сьледзтва лічыць, што яго разьмясьціў уладальнік каналу.
На дачыненьне да Nexta правяраюць 27-гадовага жыхара Масквы Алега С., сьцьвярджае расейскае інтэрнэт-выданьне Baza. РБК падае яго прозьвішча — Селівераў. Паводле вэрсіі Сьледчага камітэту, на гэтага чалавека зарэгістраваная сім-карта, на якую аформлены тэлеграм-канал.
ГЛЯДЗІЦЕ ТАКСАМА: «Маёмасная шкода — больш за 30 млн рублёў». Генпракуратура накіравала ў суд справу супраць Пратасевіча, Пуцілы і РудзікаBaza зьвязалася з чалавекам, у дачыненьні да якога праводзяць праверку. Ён заявіў, што да Nexta наогул ніякага дачыненьня ня мае.
Baza піша, што, паводле бацькоў мужчыны, у іх доме правялі сьледчыя дзеяньні, а іх сын некалькі дзён не зьяўляўся дома.