«Мы прызнаём сувэрэнітэт і тэрытарыяльную цэласнасьць краіны ў рамках міжнародных законаў, таму, нягледзячы на выдатныя адносіны паміж Тэгеранам і Масквой, мы не прызналі аддзяленьне Крыму, Луганскай і Данецкай абласьцей ад Украіны», — заявіў Абдалахіян.
Ён дадаў, што ўлады Ірану настойваюць на сваім «пасьлядоўным прынцыпе» ў вонкавай палітыцы.
«Калі мы гаворым, што канфлікт ва Ўкраіне — гэта не рашэньне, мы лічым сваю пазыцыю як у фундамэнтальным палітычным прынцыпе», — дадаў міністар.
ГЛЯДЗІЦЕ ТАКСАМА: Bloomberg: у Сынгапуры зьмешваюць расейскую нафту для рээкспартуРасея анэксавала Крым у 2014 годзе. У верасьні 2022 году прэзыдэнт Расеі Ўладзімір Пуцін абвясьціў пра анэксію Херсонскай, Запароскай, Данецкай і Луганскай абласьцей Украіны.
Кіеў і краіны Захаду загадзя абвясьцілі, што ні пры якіх абставінах не прызнаюць анэксію. Украіна заявіла, што будзе змагацца за вяртаньне акупаваных тэрыторый пад свой кантроль збройным шляхам.