Паводле апошняй інфармацыі, загінулі дзевяць чалавек, у тым ліку чацьвёра дзяцей, паведаміў губэрнатар Сахалінскай вобласьці Валерый Лімарэнка.
Ратавальнікі працягваюць разьбіраць завалы і шукаць людзей.
«Паводле папярэдніх дадзеных, адбылася дэтанацыя газавага балёна на бальконе адной з кватэр. Перапады тэмпэратур маглі спрыяць яго разгермэтызацыі», — паведамілі агенцтву «Інтерфакс» у экстраных службах.
Пракуратура Сахалінскай вобласьці пачала праверку па факце выбуху. На месцы знаходзіцца раённы пракурор. Сьледчы камітэт завёў крымінальную справу аб прычыненьні сьмерці і пашкоджаньні маёмасьці па неасьцярожнасьці.
Паведамляецца, што жыхары дапамагаюць ратавальнікам разьбіраць завалы.
Для жыхароў пацярпелага дома арганізаваны пункт часовага разьмяшчэньня.