Паводле зьвестак ААН, колькасьць уцекачоў з Украіны, якія зарэгістраваліся на часовую абарону або іншыя нацыянальныя праграмы абароны ў Эўропе, складае 3 610 805 грамадзян, і яшчэ 5 640 475 асобаў — індывідуальныя ўцекачы.
Публікуючы гэтую статыстыку, Офіс Вярхоўнага камісара ААН у справах уцекачоў адзначае, што ўсе гэтыя лічбы маюць прыблізны характар і складаюцца з тых, што перадалі ўкраінскія ўлады.
Экспэрты асобна падкрэсьлілі, што гэтая статыстыка адлюстроўвае «трансмежнае перамяшчэньне грамадзян, а ня іхную колькасьць». Вяртаньне ва Ўкраіну можа мець маятнікавы характар і не абавязкова сьведчыць пра ўстойлівае вяртаньне, паколькі «сытуацыя па ўсёй Украіне застаецца вельмі нестабільнай і непрадказальнай», — адзначаецца ў тлумачэньнях гэтай статыстыкі.
ГЛЯДЗІЦЕ ТАКСАМА: Украіна расьсьледуе больш за 21 тысячу ваенных злачынстваў ГЛЯДЗІЦЕ ТАКСАМА: «Нам напісалі, што мы прыехалі ў канцлягер». Зь якімі цяжкасьцямі сутыкаюцца ўкраінскія ўцекачы ў Беларусі ГЛЯДЗІЦЕ ТАКСАМА: Дні і ночы на вакзале ў Пшэмысьлі. Як працуюць валянтэры на мяжы Ўкраіны і Польшчы