Супрацоўнікі міліцыі затрымалі 45-гадовага кіраўніка аднаго з аддзелаў Беларускай чыгункі. Мужчыну злавілі на гарачым у момант перадачы яму пакета з 1 тысячай даляраў і 7,3 тысячы рублёў.
Паводле МУС Беларусі, грошы затрыманаму кіраўніку аддзяленьня Беларускай чыгункі перадаваў кіраўнік менскай клінінгавай кампаніі, асноўны бізнэс якой — прыбіраньне чыгуначных станцый.
Паводле вэрсіі міліцыі, за год чыноўнік такім чынам атрымаў больш за 46 тысяч рублёў. Супраць яго завялі крымінальныя справы за атрыманьне і дачу хабараў.