Абвінавачанага Гжэгажа М. затрымалі 10 кастрычніка 2021-га. Да сёньня ён знаходзіцца пад вартай.
У афіцыйным паведамленьні польскіх спэцслужбаў адзначаецца, што Гжэгаж М. цягам многіх гадоў быў зьвязаны зь сілавымі структурамі, у тым ліку служыў у спэцназе польскай міліцыі ZOMO, потым у паліцыі. Службу скончыў у 2001 годзе ў якасьці афіцэра памежнай службы.
Гжэгажа М. абвінавачваюць у супрацоўніцтве зь беларускім КДБ і спробе перадаць дадзеныя, раскрыцьцё якіх можа нанесьці шкоду Польшчы. Апроч супрацоўніцтва зь беларускім КДБ, абвінавачанаму інкрымінуюць захоўваньне боепрыпасаў безь неабходнага дазволу. На гэты момант ён застаецца пад вартай.