Падчас брыфінгу 9 сакавіка афіцыйная прадстаўніца расейскага Міністэрства замежных спраў Марыя Захарава згадала пра Марыюпальскую дзіцячую бальніцу ў такім кантэксьце, што ў ёй нібыта заселі «ўкраінскія нацбаты».
Пасьля гэтага яна правяла паралелі з захопам у чэрвені 1995 гада чачэнскімі ваяўнікамі на чале з Шамілем Басаевым бальніцы ў горадзе Будзёнаўску Стаўрапальскага краю.
Празь некалькі гадзін пасьля выступленьня Захаравай Марыюпальская гарадзкая рада паведаміла, што корпус мэдычнай установы, дзе яшчэ нядаўна лячыліся дзеці, цалкам разбураны бамбаваньнем.