Прэмʼер Ізраілю Нафталі Бэнэт знаходзіцца з візытам у Маскве, паведамляе Reuters.
Паводле Reuters, кіраўнік ізраільскага ўраду абмеркаваў з расейскім прэзыдэнтам сытуацыю ва Ўкраіне. Як паведамляе ізраільскае выданьне Jerusalem Post, сярод іншага абмяркоўвалася становішча ізраільскіх грамадзян і габрэйскіх абшчынаў ва Ўкраіне ў сувязі з вайной.
Паводле Jerusalem Post, пасьля сустрэчы з Пуціным, Бэнэт паведаміў пра яе вынікі прэзыдэнту Ўкраіны Ўладзіміру Зяленскаму і накіроўваецца ў Нямеччыну на сустрэчу з канцлерам гэтай краіны Оляфам Шольцам.
Гэта быў першы візыт замежнага лідэра ў Маскву пасьля пачатку ваенных дзеяньняў ва Ўкраіне, адзначае РБК.
ГЛЯДЗІЦЕ ТАКСАМА: Пуцін: РФ будзе разглядаць спробы іншых краін устанавіць беспалётную зону над Украінай як удзел у ваенных дзеяньнях ГЛЯДЗІЦЕ ТАКСАМА: Амбудсмэн Украіны: з пачатку расейскага ўварваньня ва Ўкраіну 32 дзіцяці загінулі, 70 параненыя