Раней 25 лютага Гарыбашвілі абвясьціў, што Грузія не далучыцца да фінансавых і эканамічных санкцый Захаду, уведзеных супраць Расеі пасьля яе ўварваньня ва Ўкраіну. Адначасова прэмʼер выключыў, што паляціць у Кіеў, каб выказаць падтрымку ўкраінскаму народу.
Да мітынгу далучыліся грамадзкія дзеячы, палітыкі, актывісты і звычайныя грамадзяне. Ініцыятарам правядзеньня акцыі выступіла партыя «Дроа», а пазьней ідэю падтрымалі і іншыя апазыцыйныя сілы.
Пратэстоўцы не зьбіраюцца разыходзіцца, патрабуючы, каб Гарыбашвілі сустрэўся зь імі і зрабіў дадатковыя тлумачэньні. На месцы мабілізавана паліцыя.
ГЛЯДЗІЦЕ ТАКСАМА: Эўразьвяз ўзгадніў новы пакет санкцый у дачыненьні да Расеі, у тым ліку забарону на экспарт нафты«Неверагодны грузінскі народ, які разумее, што сяброў трэба падтрымліваць! Дзякуй усім у Тбілісі і іншых гарадах, якія выйшлі ў падтрымку Ўкраіны і супраць вайны. Насамрэч, бываюць выпадкі, калі грамадзяне — лепшыя за ўрад», — напісаў прэзыдэнт Украіны Ўладзімір Зяленскі ў Твітэры.