У Празе дзясяткі людзей прайшлі шэсьцем па гістарычным Карлавым мосьце. Акцыя адбылася ў гадавіну арышту расейскага апазыцыйнага палітыка Аляксея Навальнага. Удзельнікі шэсьця падтрымалі расейскіх, а таксама беларускіх палітвязьняў.
«Нашыя сэрцы з тымі, хто сустракае пачатак 2022 году ў турмах, у зьняволеньні, з усімі тымі, каго перасьледуюць улады за выказваньне палітычных поглядаў» — сказаў удзельнік шэсьця, расейскі палітоляг у эміграцыі Аляксандар Марозаў.