Дарожны рух па прылеглых да абваленага моста на вуліцы Няміга ў Менску будзе закрыты да 23 гадзін 10 лютага. Так 10 студзеня пастанавіў Менскі гарвыканкам.
Закрытыя для руху ўчасткі дарог:
- па вуліцы Леніна ад праспэкта Незалежнасьці да вуліцы Нямігі;
- па праспэкце Пераможцаў ад вуліцы Нямігі да вуліцы Мельнікайце;
- па вуліцы Нямізе ад вуліцы Гарадзкі Вал да вуліцы Леніна;
- па вуліцы Максіма Багдановіча ад вуліцы Леніна да вуліцы Янкі Купалы.
ГЛЯДЗІЦЕ ТАКСАМА:
Як выглядае Няміга пасьля падзеньня моста. ФОТААварыя моста на Нямізе
Пешаходная частка моста ў Менску на Нямізе абвалілася 8 студзеня. Здарылася гэта глыбокай ноччу. Праз час ратавальнікі МНС прыехалі на месца разьбіраць завалы. Паводле зьвестак сьледзтва, знайшоўшы першыя фрагмэнты канструкцыі, што ўпалі, супрацоўнікі ДАІ абмежавалі рух пешаходаў і транспарту. У выніку здарэньня ніхто не пацярпеў.
СК завёў крымінальныя справы па факце абвальваньня моста на Нямізе.
Вінаватых у датычнасьці абвалу пешаходнай часткі моста ў Менску над вуліцай Няміга плянуюць прыцягнуць да крымінальнай адказнасьці паводле двух артыкулаў Крымінальнага кодэксу — аб службовай халатнасьці і аб «парушэньні праектаў, абавязковых для захаваньня патрабаваньняў тэхнічных нарматыўных прававых актаў пры вытворчасьці будаўніча-мантажных работ».
У ведамстве таксама паведамілі, што створана сьледчая група зь ліку супрацоўнікаў Галоўнага і Менскага сьледчых упраўленьняў.
Паводле афіцыйнай вэрсіі, прычынай здарэньня стала «стомленасьць» канструкцыі, уплыў на яе вібрацыі ад працы мэтро і частыя перапады тэмпэратуры паветра.
ГЛЯДЗІЦЕ ТАКСАМА:
СК завёў крымінальныя справы па факце абвальваньня моста на НямізеМост праз Нямігу пабудавалі ў 1962 годзе. У 2017-м правялі ягоны касмэтычны рамонт, а ў летась зрабілі тэхнічнае заключэньне стану апорнай канструкцыі, прыйшлі да высновы, што яна ў нармальным стане.
Мост ужо разабралі. Мінскія ўлады плянуюць аднавіць яго цягам месяца.
ГЛЯДЗІЦЕ ТАКСАМА:
«Невядомы Менск. Гісторыя зьнікненьня»: мост над Нямігай