Сужэнцаў затрымалі 30 кастрычніка ў менскім аэрапорце, калі яны вярталіся з адпачынку. З чым зьвязаная затрымка з вызваленьнем — невядома.
Ірыну Слаўнікаву і яе мужа Аляксандра Лойку 1 лістапада судзьдзя Першамайскага раёну Максім Трусевіч асудзіў да 15 сутак арышту нібыта за захоўваньне ў Facebook «экстрэмісцкіх» матэрыялаў, піша «Новы час».
Падчас працэсу Аляксандар распавёў, што іх з Ірынай затрымалі на пашпартным кантролі, закавалі ў кайданкі і не далі забраць багаж. Лойка адзначыў, што Ірыну затрымлівалі больш жорстка, чым яго.
Да суду ён быў на Акрэсьціна ў двухмеснай камэры, дзе агулам знаходзяцца 10 чалавек. Таксама 4 лістапада стала вядома, што жаночая камэра, у якой утрымлівалі Ірыну Слаўнікаву, абвясьціла групавую галадоўку празь нечалавечыя ўмовы ўтрыманьня зьняволеных.
ГЛЯДЗІЦЕ ТАКСАМА: Чаму жаночая камэра ЦІП на Акрэсьціна абвясьціла галадоўку ГЛЯДЗІЦЕ ТАКСАМА: «Гэта яшчэ адна вайна зь „Белсатам“». Юрыстка тлумачыць, ці можна стаць экстрэмістам за падпіску на тэлеграм-канал